Bir çox şirkətlər yaxın illərdə Aya getmək üçün bir-biri ilə rəqabət apardıqca, elm adamları peykin ehtiyatsız istismarının geri dönməz zərər verə biləcəyindən narahatdırlar.

Ednews TRT Haber-ə istinadən xəbər verir ki, səyahətlərin əksəriyyətinin məqsədi Aydan minerallar, su və digər ehtiyatların çıxarılması yolu ilə Ayda yaşayış üçün əlverişli baza yaratmaqdır.

Ancaq Ayın səthində heç bir məhdudiyyət olmadan aparılacaq bu araşdırmalar qravitasiya dalğaları ilə bağlı araşdırmalara, qara dəliklərin müşahidələrinə və uzaq ulduzlarda həyat axtarışına zərər verə bilər.

Məsələ ilə bağlı Guardian-a danışan Harvard Astrofizika Mərkəzindən Martin Elvis, “Bu məsələ aktuallaşıb. İndi hərəkət etməliyik. Çünki bu gün verdiyimiz qərarlar gələcəkdə Aya necə davranacağımızı müəyyən edəcək”, – deyib.

Arizona Universitetindən Riçard Qrin, “Biz Ay bazalarının qarşısını almağa çalışmırıq. Ancaq orada bir neçə perspektivli sahələr var və onlardan bəziləri inanılmaz dərəcədə elmi qiymətlidir. “Biz minalarımızı və bazalarımızı qurduğumuz yerdə çox, çox diqqətli olmalıyıq”, – deyib.

Oğuz