ABŞ-ın müdafiə naziri Ostin sidik kisəsindəki problemə görə yenidən müalicə alacaq.
Ednews sozcu.com-a istinadən xəbər verir ki, ABŞ Müdafiə naziri Lloyd Ostin dekabr ayında yaşadığı sidik kisəsi problemindən sonra yerli vaxtla bu gün axşam saatlarında Valter Rid Milli Hərbi Tibb Mərkəzində minimal qeyri-cərrahi tibbi prosedurdan keçəcək.
ABŞ Müdafiə Nazirliyinin (Pentaqon) sözçüsü tərəfindən edilən yazılı açıqlamada, sözügedən prosedurun planlı və seçimli olduğu qeyd edilib. Açıqlamada, Ostinin prosedur zamanı nazirlik vəzifələrini müvəqqəti olaraq yerinə yetirə bilməyəcəyi, buna görə də səlahiyyətlərinin müdafiə nazirinin müavini Kathleen Hicks-ə ötürüləcəyi paylaşıldı.
Sözügedən prosedurla bağlı Ağ Ev və Konqresin də məlumatlandırıldığı bildirilib.
Nazir Ostin prostat vəzi xərçəngi diaqnozu ilə əməliyyat olunduqdan sonra ilk dəfə 22 dekabr 2023-cü ildə Walter Reed Hərbi Xəstəxanasına yerləşdirilib və ertəsi gün evə göndərilib, lakin sonradan fəsadlar səbəbindən yanvarın 1-də yenidən xəstəxanaya yerləşdirilib.
Xəyal
