Cənubi Koreyadakı hökumət mənbələri Kubada xidmət edən Şimali Koreyalı diplomatın keçən il Cənubi Koreyaya qaçdığını iddia edib.
Ednews Yonhap-a istinadən xəbər verir ki, hökumətdə adı açıqlanmayan bir məmur Şimali Koreyanın Havanadakı səfirliyində siyasi məsələlər üzrə müşavir vəzifəsində çalışan Ri İl-gyu-nun 2023-cü ilin noyabrında ailəsi ilə birlikdə Cənubi Koreyaya gəldiyini iddia edib.
Təxminən 9 il Kubada xidmət edən təcrübəli diplomat olduğu bildirilən Rinin Meksikada müalicə tələbi rədd edildiyi üçün məyusluq və qəzəb hiss etdikdən sonra sığınacaq istəməyə qərar verdiyi bildirilib.
Xəbərdə Ri-nin Kubadakı vəzifələrindən birinin Havananın Seulla rəsmi diplomatik əlaqələr qurmasına mane olmaq olduğu da iddia edilib.
Ri, Şimali Koreyalı diplomat Ryu Hyun-woo 2019-cu ilin sentyabrında Seula sığındıqdan sonra Cənubi Koreyaya qaçdığı bilinən ilk Şimali Koreya diplomatı oldu. Hökumətin məlumatına görə, 2023-cü ildə 196 Şimali Koreyalı qaçqın Cənubi Koreyadan sığınacaq istəyib.
Xəyal
