Vitse-prezident Kamala Harris Demokratlar partiyasının prezidentliyə namizədi olmaq üçün nümayəndə heyətinin əksəriyyətinin dəstəyini qazanıb.
Ednews xəbər verir ki, bu barədə "BBC" məlumat yayıb.
Məlumatda qeyd edilib ki, Associated Press-in sorğusuda vitse-prezidentin səsvermənin ilk turunda namizədliyi qazanmaq üçün lazım olan 1976 nümayəndədən çoxunun dəstəyini aldığını bildirib.
Beləliklə, Kamala Harris partiyanın namizədi kimi noyabrda keçiriləcək prezident seçkilərində Respublikaçı Donald Trampla mübarizə aparacaq.
Qeyd edək ki, Prezident Coe Biden bazar günü yarışı tərk etdikdən sonra heç kim K.Harrisə rəqib olmaq üçün açıq şəkildə namizədliyini irəli sürməyib. Harrisə görə fonda göndərilən ianələr isə 100 milyon dolları ötüb.
