Danimarka və Hollandiya yayın sonuna qədər Ukraynaya 14 ədəd Leopard-2 tankı tədarük edəcək.
Ednews-un Hollandiya Müdafiə Nazirliyinə istinadən verdiyi məlumata görə, Danimarka və Hollandiya Ukraynaya 14 yenilənmiş Leopard-2 tankı tədarük edəcəklər.
İki ölkə ötən ilin aprelində elan etmişdi ki, onlar tankları üçüncü tərəfdən alıb Ukraynada döyüş əməliyyatları üçün hazırlayacaqlar.
Tankların alman silah istehsalçısı Rheinmetall tərəfindən tamamilə yenidən dizayn edildiyi və aylarla davam edən sınaqlardan sonra təhvil verilməyə hazır vəziyyətə gətirildiyi, yazın sonuna qədər Ukraynaya tədarük ediləcəyi bildirilib.
Hollandiya Müdafiə Nazirliyi bəyan edib ki, “Leopard 2A4 tankları Ukraynaya döyüş meydanında üstünlük əldə etməyə kömək edə bilər”.
Polşanın müdafiə naziri Vladislav Kosyniak-Kamysz bundan əvvəl Ukraynaya 100 milyon avro dəyərində yeni hərbi yardım paketinin köçürülməsi üçün hazırlıqların tamamlandığını bildirmişdi.
Xəyal
