Donald Tramp, Çinə, AB-yə və digər ölkələrə qarşı yeni tariflər tətbiq edəcəyini elan etdi.

Donald Tramp, çərşənbə günü ABŞ-ın iqtisadiyyatını gücləndirəcəyini vurğulayaraq, yeni tarif tədbirlərini açıqladı. Prezident bu tarifləri icra fərmanı ilə tətbiq etməyi planlaşdırır, bunun isə dünya üzrə iqtisadi təsirlərə səbəb olacağı gözlənilir. Ağ Ev, ABŞ-ın tətbiq edəcəyi tariflərin və bu tədbirlərə tabe olacaq ölkələrin adları ilə yanaşı, tarif dərəcələri barədə geniş məlumat yayımladı.

Trampın çıxışından əvvəl keçirilən brifinqdə, "Ağ Ev"rəsmisi prezidentin bəzi ölkələrə “əsas tariflər” tətbiq edəcəyini açıqladı. Bu tarifin dərəcəsi 10% olacaq və 5 aprel tarixində qüvvəyə minəcək.

Sözügedən ölkələr bunlardır:

* Böyük Britaniya

* Sinqapur

* Braziliya

* Avstraliya

* Yeni Zelandiya

* Türkiyə

* Kolumbiya

* Argentina

* El Salvador

* Birləşmiş Ərəb Əmirlikləri

* Səudiyyə Ərəbistanı

"Ağ Ev" rəsmiləri, ABŞ məhsullarına yüksək tariflər tətbiq edən və ya ABŞ-ın iqtisadi maraqlarını zədələyən təxminən 60 ölkəyə qarşı xüsusi qarşılıqlı tariflərin tətbiq ediləcəyini bəyan etdilər. Bu tariflər isə 9 aprel tarixində qüvvəyə minəcək.

Xüsusi tarif dərəcələrinin tətbiq edildiyi əsas ticarət tərəfdaşları:

* Avropa İttifaqı: 20%

* Çin: 54%

* Vyetnam: 46%

* Tailand: 36%

* Yaponya: 24%

* Kamboca: 49%

* Cənubi Afrika: 30%

* Tayvan: 32%

Kanada və Meksikaya əlavə tariflər tətbiq olunmur.

"Ağ Ev",hər iki ölkə ilə əvvəlki icra fərmanlarında müəyyən olunmuş çərçivəyə əsaslanaraq iş aparacaqlarını bildirdi. Bu, Kanada və Meksikaya tətbiq olunan 25% tarifləri əhatə edir və bəzi əvvəlki istisnalarla yanaşı, tətbiq edilməsində gecikmələr də elan edilib.

Prezident, ABŞ-ın bütün xaricdən idxal olunan avtomobillərə 25% tarif tətbiq edəcəyini açıqladı. Bu tariflər 3 aprel gecə yarısı qüvvəyə minəcək.

Mədinə Məmmədova\\EDnews