Kremlin sözçüsü Dmitri Peskovun verdiyi məlumata görə, Rusiya Prezidenti Vladimir Putinlə ABŞ lideri Donald Trampın xüsusi nümayəndəsi Stiven Uitkoff arasında keçirilən görüşdə Rusiya ilə ABŞ arasında birbaşa aviaəlaqənin bərpası məsələsi gündəmə gəlməyib.
“EDnews” xəbər verir ki, bu barədə o, aprelin 26-da “RIA Novosti”yə açıqlama verib.
Peskov bu sualı qısa şəkildə “Xeyr” cavabı ilə təsdiqləyib.
Qeyd edək ki, Putin və Uitkoff arasında danışıqlar bir gün əvvəl Kremlin divarları arasında baş tutub və görüş təxminən üç saat davam edib. Prezidentin köməkçisi Yuri Uşakovun sözlərinə görə, görüş zamanı əsas diqqət Moskva ilə Kiyev arasında birbaşa əlaqələrin bərpasına yönəlib.
Peskov əlavə edib ki, Uitkoff Rusiyaya Trampın mesajlarını çatdırmaq üçün gəlir və geri qayıdarkən Putinin ismarıclarını aparır. O vurğulayıb ki, Ağ Evin xüsusi nümayəndəsinin bu cür səfərləri Moskvanın mövqeyini ABŞ tərəfinə daha dolğun çatdırmaqda mühüm rol oynayır.
Şəms Qasımlı // EDnews
