مهرجان يقدم عرضا سمعيا-بصريا مُبهرا ليروي قصة لبنان ويحافظ عليه دائما منارة مثالية للانفتاح، ومنصة للابتكار.
(عم نحلمك لبنان) مهرجان يقدم عرضا سمعيا-بصريا مُبهرا، قيل إنه الأضخم من نوعه الذي تشهده العاصمة اللبنانية عند واجهتها البحرية بالشراكة مع بلدية بيروت، ليروي قصة لبنان ويُدخل متعة لا نظير لها على الجمهور الكبير.
ويتضمن العرض، الضخم والمميز، والذي يأتي في إطار المهرجان الذي تنظمه جمعية BEASTS (أحداث بيروت وعروض الشوارع) عروضا موسيقية وراقصة ومصورة وعرض نوافير مياه وألعابا نارية ورسوما بيانية ثلاثية الأبعاد فيما وصفه منظموه بأنه أضخم عرض سمعي-بصري (مالتيميديا) يشهده لبنان.
وقال وسام سميرة مخرج العرض "عرض المالتيميديا (الوسائط المتعددة) هي شغلة جديدة بلبنان وبالمحيط شوي لأنه جامع كل الفنون مع بعضها ياللي هن بيروحوا من التصوير، من الرقص، من الموسيقى، الشعر، لنوافير المياه (بالانجليزية) للألعاب النارية (بالإنجليزية) لكتير قصص. وعم بيخبروا قصة. بس أكيد بطريقة شوي بتخلي الناس تحلم، مش قصة يعني مش مسرح. هو قريب بين المسرح وبين السينما. هيك شوي فايتين ببعضهن".
وقالت رشا جرمقاني رئيسة جمعية BEASTS "بصراحة هيدا المشروع صار لنا سنة عم نحضر له. ونحن كمغتربين عايشين بره دايما بيكون عندنا الإيمان ببلدنا وبيكون عندنا الحب إنه نقدر نفرجي بلدنا مثل ما نحن بنتمناه يكون. فمن هون طلعت فكرت نعمل مهرجان بلبنان بها الضخامة وبها العالمية. كمان كرما لنقدر قد ما فينا نفرجي العالم لبنان من هو وشو بيعمل واللبنانية (اللبنانيين) مع بعضهن شو بيقدر يطلع منهن".
وتقول جمعية BEASTS إنها تهدف إلى "الحفاظ على لبنان الذي كان، وسوف يكون دائما منارة مثالية للانفتاح، ومنصة للابتكار".
ووصف أفراد من جمهور العرض ما شاهدوه بأنه "مذهل".
وقال سليمان جابر وهو من مشاهدي العرض "عرض بيجنن، كتير حلو، أول مرة بنشوف هيك بلبنان. وهيدي بيروت اللي بدنا إياها، كلها فرح وكلها أضوية (إضاءة) وكلها فرقيع (ألعاب نارية)".
وأضافت امرأة شاهدت العرض أيضا وتدعى غادة حرفوش "مذهل، أول مرة بلبنان أو يمكن بالشرق الأوسط بيكون فيه هيك عرض جامع كل شي، وحاكي قصة صغيرة عن لبنان، عن الحقبات اللي مرق (مر) فيها لبنان، وكيف نحن انتصرنا من بعد كل شي. بصراحة عرض كتير حلو وبأنصح كل العالم تيجي تحضر".
ويستمر العرض السمعي-البصري المُبهر عند الواجهة البحرية لبيروت حتى يوم 31 أغسطس/آب بينما يستمر مهرجان "عم نحلمك لبنان" حتى يوم الثالث من سبتمبر/أيلول باعتباره أحد المهرجانات الصيفية العديدة في أنحاء لبنان.
ويتضمن جدول المهرجان كذلك حفلات لموسيقى البوب وعروضا للدراجات النارية وسباقات سيارات.
