Salome Zurabişvilinin məqsədi nədir?

Zurabişvili Fransada mühacir gürcü ailəsində dünyaya gəlib. Fransada təhsil almış və uzun müddət Fransa Xarici İşlər Nazirliyində işləmişdir. Zurabişvili Fransanın Gürcüstanda səfiri təyin edilmişdir. Sonra Gürcüstanın Xarici işlər naziri vəzifəsinə kimi yüksəlmişdir. Nəhayət, Salome Zurabişvili 2018-ci il dekabrın 16-da Gürcüstan Prezidenti seçildi.

Saakaşvili ilə Zurabişvilinin fikir ayrılığı olub. Zurabişvili 2008-ci il Rusiya-Gürcüstan müharibəsindən sonra istefa verib və müxalifətə keçib. Zurabişvili 2008-ci il müharibəsini Saakaşvilinin günahı hesab edir və tənqid edir. Diqqət çəkən məqam odur ki, 2008-ci il müharibəsində Fransa Gürcüstana tam dəstək verməyib hətta, Saakaşvili Sarkozi Tiflisdə mübahisə ediblər. Sarkozi Saakaşviliyə bir sənəd verib imza atmasını istəyib. Amma Saakaşvili imza atmaqdan imtina edib. Zurabişvili prezdent olduqdan sonra ciddi bəyanatlar verir. Zurabşvili arxasında İvanaşvili var.

Zurabaşvili Azərbaycandan torpaq istəyir!

ABŞ-ın Gürcüstanda hərbi bazası olmasını istəmir. Ermənistana səfər edir, qondarma soyqırım abidəsini ziyarət edir. Ermənistana rus qazının satılmasını Gürcüstan üzərindən dəstəkləyir. Fikrimcə, Zurabişvili Fransa siyasi xəttini müdafiə edir. Rusiya yaxınlaşmaq istəyə bilər. Fransa Gürcüstanda Azərbaycan, Türkiyə və ABŞ-ın güclü olmasını istəmir. Unutmayaq İvanaşvilinin Rus şirkəti Qazpromda payı var. Şəxsi düşüncəmə görə, Gürcüstan dövlət müstəqiliyini qorumaq əsas vəzifəsidir və bunun üçün diplomatik manevrlər edir. 

Gürcülər hər zaman milliyətçi olublar. Sevmədiklər dövlətlər Səlcuqlar, Səfəvilər dövlətidir. Nifrət etdiklər şahlar Şah Abbas və Şəki xanı Hacı Çələbi xandır. Hacı Çələbi xan Azərbaycan xalqının milli qürurunu müdafiə edib. İndiyə qədər də "Gəncə Qapıları"nın bir tayı hələ Gürcüstandandır. Gürcülər tarix boyu Azərbaycanın pis günündə bizə hucum ediblər.

Azərbaycan dövləti nə etməli?

Azərbaycan Gürcüstan ilə xarici siyasətini yenidən nəzərən keçirməlidir. Orda yaşayan azərbaycanlı soydaşlarımız ilə sıx əlaqə yaratmalıdır. Gürcüstandakı səfirimiz Azərbaycan dövlətinin və xalqının mənafeyinə görə gecə-gündüz işləməlidir.Tək Gürcüstandakı səfirimiz deyil bütün dünya dövlətlərində olan diplomatlarımız işləməlidir. Azərbaycan dövlətinin və xalqının bu işləri görə bilməsi üçün, Əhməd bəy Ağaoğlunun dediyi kimi milliyətçi olmalıyıq.

Bütün Azərbaycan Respublikası vətəndaşlarının üç rəngli bayraq altındakı milliyətçiliyi bizim nicat yolumuzdur.

Teymur Qasımlı

Qeyd: Bu fikirlər müəllifə aiddir və Eurasia Diary-nin mövqeyini əks etdirmir