Ermənistanın ikinci prezidenti əslən Qarabağdan olan Robert Koçaryan iyunun 20 nə əzərdə tutulmuş parlament seçkiləri üçün aktiv kompaniyasını aparır. Onun mayın 9-u tərəfdarları ilə birlikdə Yerevanın Azadlıq meydanında mitinq keçirəcəyi haqqında məlumatlar daxil olmaqdadır. Hələ Qarabağda hakimiyyətdə olarkən yaxın dostu olan Arkadi Qukasyanla birləşməsi və birlikdə seçkiyə getmələri onların seçkidən gözləntilərinin daha böyük olması haqqında düşünməyə əsas verir. Nədir bu gözləntilər? Onların təşəbbüsləri istədikləri nəticəni verəcəkmi?
Bir neçə ay bundan əvvəl növbədənkənar parlament seçkilərində Paşinyanın yeganə namizəd olacağı proqnozlaşdırılırdı. Keçmiş Preziden Robert Koçaryanın seçki kompaniyasına qoşulması vəziyyəti Paşinyanın əleyhinə bir qədər dəyişdirdi. Lakin bu Koçaryanın Paşinyana ciddi rəqib olması anlamına gəlməməlidir. Sadəcə Koçaryan bütün imkanlarından,o cümlədən Rusiyanın paytaxtına qədər gedib çıxan imkanlarından istifadə edir ki, seçkilər zamanə Paşinyan və onun seçkiqabağı blokuna problemlər yaratsın.
Məlum olduğu kimi, Robert Koçaryan 1 mart 2008-ci il hadisələrinə görə Konstitusiya quruluşunu devirmək maddəsi ilə 3 ilə yaxın həbsxanada yatdı və sonda 5 milyon dollar girov müqabilində zaminə buraxıldı. 2008-ci ilin martında baş verən qarşıdurma zamanı Koçaryanın göstərişi ilə nümayişçilərə qarşı ordudan istifadə edilmiş və ikisi polis olmaqla 10 nəfər həyatını itirmişdi.
Bu ilin aprelin 6-da Koçaryana qarşı qaldırılan cinayət işi məhkəmə tərəfindən dayandırılmışdır. Bu zaman hakimlər Konstitusiya Məhkəməsinin Koçaryana qarşı tətbiq olunan bu maddənin Konstitusiyanın iki bəndi ilə ziddiyyət kəsb etməsi haqqında çıxardığı qərarla əsaslandırmışdır.
Cinayət işi dayandırıldıqdan iki gün sonra Koçaryan Paşinyana və Ermənistan hökumətinə qarşı iddia qaldırır. Bu iddiada o özünə qarşı hüququn pozulması, maddi ziyanın ödənilməsi və üzr istənilməsini tələb edir.
Paşinyan ciddi-cəhdlə Koçaryanı həbsxana divarları arasında saxlamağa çalışsa da Rusiyanın təzyiqi və Koçaryandan qalma məhkəmə hakimlərinin ikiüzlülüyu nəticəsində buna nail ola bilmədi. Paşinyanla Koçaryan qarşıdurmasında müvəqqəti olaraq təşəbbüs Koçaryanın tərəfindədir. Qeyd edirəm müvəqqəti olaraq və seçkilərə qədər. Seçkilərdən sonra yeni qüvvə ilə hakimiyyəti formalaşdıracaq Paşinyan Robert Koçaryan, Serj Saqsyan, Arkadi Qukasyan və onun kimi onlarla Qarabağ klanının üzvləri ilə birdəfəlik haqq-hesab çəkəcək. Artıq hamı başa düşür ki, onların Ermənistanın siyasi səhnəsindən silinib atılması vaxtı çatmışdır. Çünki bu klan ermənistanın yenidən həyata dönərək normal region dövlətləri sırasına qyıtması yolunda böyük maneədir. Paşinyan nəzərdə tutduğu siyasi və iqtisadi kursun qalib gəlməsini istəyirsə bu klanı birdəfəlik qarşısından götürməlidir.
Qeyd etmək lazımdır ki, Daşnaksütyun Partiyası ilə Yenidən Yaranan Ermənistan Partiyası Robert Koçaryanın rəhbərliyi altında qarşıdan gələn seçkidə birlikdə, bir blok halında iştirak etmək istəyirlər. Bir neçə gün bundan əvvəl Ermənistanın 1-ci prezidenti Levon Ter-Petrosyanın seçki ilə əlaqədar birləşmək təklifini Koçaryan rədd etdi. Bunu bir o qədər də əsasllı olmayan mənəvi məsələlərlə əlaqələndirdi.
Robert Koçaryan və Arkadi Quqasyan qrupu mayın 9-da Yerevanın Azadlıq meydanında mitinq keçirmək haqqında qərara gəliblər. Bu mitinq kəşfiyyat səciyyəsi daşıyır və onların seçki ilə baölı yaxın gələcəkdə atacaqları addımların müəyyənləşməsinə yrdım edəcək.
Diqqət yetirək, Robert Koçaryan Ter Petrosyan kimi Ermənistan tarixində müəyyən rol oynamış şəxsiyyətin birləşmək haqqında təklifini rədd edir, az tanın, həbsxanaya həyatı keçirən, Qarabağdan olan Arkadi Qukasyanla birləşir. Deməli, Koçaryan qarşıdan gələn seçkilərdəə Qarabağ klanını yenidən fəal siyasi həyata qaytarmaq üçün istifadə etməyə çalışacaq. Onun bu niyyəti haqqında Ermənistnda yetərincə məlumatlıdırlar və erməni xalqı yenidən Qarabağ bataqlığına düşmək fikrindən çox-çox uzaqdır. Koçaryanın bütün cəhdlərinə və aktivliyinə baxmayaraq ona revanş götürməyə imkan verilməyəcək. Həm daxili, həm də xaricdən olan dominant siyasi qüvvələr tərəfindən.
Əlimusa İbrahimov
