Antiterror tədbirləri bitdi, Azərbaycan və Ermənistan dövlətləri arasında son maneə də aradan qaldırıldı. Son bir neçə gündə iki ölkə arasında sülh danışıqlarına gedən yolda müəyyən addımlar atıldı.

Sentyabrın 27-də Ağ evdə ABŞ Prezidentinin milli təhlükəsizlik üzrə müşaviri Cek Sullivanın təşəbbüsü ilə Azərbaycan Prezidentinin köməkçisi Hikmət Hacıyevlə Ermənistanın Təhlükəsizlik Şurasının katibi Armen Qriqoryan arasında görüş olub.

Burada da əsas məqam konkret vaxt çərçivəsində sülh gündəliyi üzrə səylərin davam etdirilməsi idi. Bundan savayı sərhədlərin delimitasiyası, nəqliyyat xətlərinin açılması, o cümlədən humanitar gündəliyin tərkib hissəsi olan minalar və itkin düşmüş şəxslər məsələləri müzakirə olunub. 

Prezident İlham Əliyev antiterror tədbirləri ilə bağlı xalqa müraciətində Ermənistanla sülh sazişinin imzalanmasına maneələrin aradan qalxdığını və cari ilin sonuna qədər sülh sazişinin mümkün olduğunu bildirib. 

Hazırda bununla bağlı sadəcə bir dilemma var, Qarabağ ermənilər ilə bağlı məsələnin sazişə salınması.

Rəsmi Bakı məsələnin tam həllini ölkə konstitusiyası ilə təmin olunması tərəfdarıdır, amma İrəvan isə bu məsələnin həllini beynəlxalq mexanizmaların tənzimlənmələrində görür. Ələxsus qeyd edək ki, rəsmi Bakı eyni zaman da bildirib ki, sülh müqaviləsinin harada imzalanması elə də əhəmiyyət kəsb etmir, əsas odur ki, müqavilə imzalansın.

Lakin antiterror tədbirlərindən əvvəl və sonra Ermənistan və Rusiya arasında çox ciddi qarşıdurmalar baş verib.
Tədbirlərdən əvvəl Paşinyanın Rusiya ünvanına qarşı istifadə etdiyi xoşagəlməz ifadələr, ölkə parlamentinin Putinin həbsini nəzərdə tutan “Roma Statu”nu qəbul etməsi kimi proseslər iki ölkə arasındakı vəziyyəti gərgin hala gətirib.

Paşinyan Qərbə yanaşır, Rusiyaya qarşı çıxır. Rusiya XİN – də buna cavab verərək bunu qətiyyətlə qınayıb. XİN Sergey Lavrov ötən günlərdə bildirib ki, Rusiyanın Cənubi Qafqazdakı maraqları hələ də qalmaqdadır, biz bir Qafqaz ölkəsi olaraq hər şeyi görürük və nəzarət edirik. 

Bu o, deməkdir ki, Rusiya öz maraqlarından çəkinməyib. Xatırlamaq lazımdır ki, Rusiya hər zaman mövqeyini möhkəm saxlamaq üçün əlindən gələni edib və edəcək. İrəvanda da bildirilir ki, Rusiya Paşinyanı devirmək üçün əlindən gələni edir. Hətta maraqlıdır ki, buna uyğun olaraq sonradan Ermənistan mediasında hökümətin Paşinyanın istefasına qarşı olduğu xəbəri yayıldı.

Baxın biz azərbaycanlılar sözsüz ki, heç bir zaman Paşinyanı bəyənməyəcəyik. Faktiki olaraq müharibənin səbəbkarı olmuş şəxsdir. Lakin bu şəxsin hazırki rolu sülh müqaviləsinə gedən yolda çox konstruktiv ola bilər. 

Nə qədər öz fikirlərini dəfələrlə təkzib edib, bir gün seperatçıların yanında, digər bir gün onlara qarşı mövqe nümayiş etdirsə də, özü də sülhün tərəfdarıdır. 

Paşinyan sadəcə erməni xalqına onların nə qədər dar düşüncəli olduğunu göstərmək üçün gətirilib. Günümüzdə millətçi, revanşist, şovinist kimi düşüncələrin mənasız olduğunu göstərir bu adam. Bariz şəkildə bildirmir ancaq yetərincə iş görür. 
Paşinyan  da bilir ki, ölkə özünü təcrid etməkdən, Rusiyadan aslı qalmaqdan sosial rifahı bərbad gündədir. Zəngəzur dəhlizi, sülh müqaviləsi, regionda hər kəsə, ən əsas da Ermənistana kömək edəcək. Qısaca Paşinyan olduqca, sülh müqaviləsi imkanı da bir o qədər olacaq.