İsrail Silahlı Qüvvələri Qəzza sektorunda HƏMAS-ın iqtisadiyyat naziri az-Zariyanın öldürüldüyünü iddia edir.
Ednews xəbər verir ki, bu barədə qurumun "X" hesabı yazır.
Bazar günü İsrail Müdafiə Ordusu kəşfiyyatının göstərişi ilə HƏMAS-ın hərbi qanadının istehsal bölməsində fəaliyyət göstərən və Qəzza sektorunda HƏMAS-ın iqtisadiyyat naziri vəzifəsini tutan terrorçu-əməliyyatçı Əbdül Fəttah az-Zariyə İsrail Hərbi Hava Qüvvələri tərəfindən öldürülüb.
Qeyd edək ki, istehsal bölməsi HƏMAS-ın silahlanma sahəsindəki imkanlarını genişləndirməklə, o cümlədən Yaxın Şərq boyunca digər terror təşkilatları ilə məlumat mübadiləsi yolu ilə məşğul olur.
Az-Zariyə Qəzza sektoruna daxil olan humanitar yardımların HƏMAS tərəfindən ələ keçirilməsi səylərinə rəhbərlik etməkdə və HƏMAS tərəfindən idarə olunan bazarları idarə etməkdə mühüm rol oynayırdı.
Bundan əlavə, o, yanacaq, qaz və vəsaitlərin terror məqsədləri üçün paylanmasına cavabdeh idi", - deyə İsrail Müdafiə Ordusunun mətbuat xidməti məlumat verib.
Əkbər Novruz
