Vergi Siyasəti Baş İdarəsinin rəisi Samirə Musayeva REAL-ın birbaşa efirində bu barədə ətraflı məlumat verir.

"Xüsusilə torpaqla bağlı xərclərin gəlirdən çıxılması üçün normalar müəyyən olunub. Vergi Məcəlləsinə edilən dəyişiklilklərdən biri də beynəlxalq təşkilatlarla bağlıdır. Vergi qanunvericiliyimizə dəyişkiliklər edilib. Milli Məclisə müzakirə olunarkən tibbi sığortanın da tətbiqini nəzərə alaraq vergi məcəlləsinə dəyşiklik edilib. Tibbi sığorta xidmətlərinin göstərilməsi ƏDV-dən azad edilib. Dəyişikliyə görə fiziki şəxslər tərəfindən 30 kv m sahə vergidən azad olunmaqla tətbiq olunacaq. Quş ətinin satışında güzəştin müddəti 4 il uzadılıb. 4 il müddətinə quş ətinin, heyvan ətinin satışı ƏDV-dən azad edilib. İcbari tibbi sığortanın maddi mənbəyi aksizli mallara tətbiqi olunan aksizin müəyyən hissəsi Tibbi Sığorta Fonduna köçürüləcək".

“Quş əti satışının ƏDV-dən azadolma müddətinin daha dörd il müddətinə uzadılması, habelə heyvan ətinin satışının dörd il ərzində ƏDV-dən azad edilməsi, fiziki şəxslər tərəfindən vergidən azad olunmaqla təqdim edilən yaşayış sahəsində azı beş il ərzində yaşayış yeri üzrə qeydiyyatda olma müddətinin üç təqvim ilinə endirilməsi, fiziki şəxslərin xüsusi mülkiyyətində olan yaşayış sahələrinin təqdim edilməsi zamanı yaşayış sahəsinin 30 kvadratmetrinin istisnasız olaraq vergidən azad edilməsi bu qəbildən olan dəyişikliklərdir”, - deyə S.Musayeva qeyd edib.

O bildirib ki, bundan başqa, peşə təhsili müəssisələri üçün dərslik komplektlərinin istehsalı ilə bağlı redaksiya, nəşriyyat və poliqrafiya fəaliyyətinin ƏDV-dən azad edilməsi, icbari tibbi sığorta fondunun vəsaiti hesabına tibbi sığorta xidmətlərinin göstərilməsinin bir il müddətinə ƏDV-dən azad edilməsi, fiziki şəxs olan istehlakçılar tərəfindən ölkə ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin 30 faizinin həmin fiziki şəxslərə qaytarılması da sosial xarakterli güzəştlərə aiddir.