Bu ilin yanvar-aprel aylarında Azərbaycanda 672 ədəd minik avtomobili istehsal olunub.
EDNews.net Dövlət Statistika Komitəsinə istinadən xəbər verir ki, bu göstərici ötən ilin müvafiq dövrü ilə müqayisədə 54,1% artıb.
Məlumata əsasən, bu müddətdə 105 ədəd traktor istehsal olunub ki, bu da illik müqayisədə 73,9% azalma olduğunu göstərir.
Qeyd edək ki, hesabat dövründə maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 124,8 mln. manatlıq məhsul istehsal edilib.(apaeconomics)
