Avropa İttifaqı Azərbaycandan qaz idxalını artırmaq istəyir - "Deutsche Welle" - ednews.net

17 Avqust, Çərşənbə

(+994 50) 229-39-11

Avropa İttifaqı Azərbaycandan qaz idxalını artırmaq istəyir - "Deutsche Welle"

İqtisadiyyat A- A A+
Almaniyanın “Deutsche Welle” nəşrində “Aİ Azərbaycandan qaz idxalını artırmaq istəyir” sərlövhəli məqalə dərc edilib.
 
Ednews xəbər verir ki, materialda qeyd edildiyinə görə, Brüssel Bakını qaz təchizatının təhlükəsizliyinin təmin edilməsində ən mühüm tərəfdaş kimi görür.
 
Nəşrdə yazılır ki, Avropa Komissiyasının Prezidenti Ursula Fon der Lyayenin sözlərinə görə, Avropa İttifaqı bir neçə il ərzində Azərbaycandan qaz nəqlinin həcmini iki dəfə artırmaq niyyətindədir.
 
Məqalədə deyilir ki, Avropa İttifaqı Azərbaycan qazının idxalını iki dəfə artırmaqla Rusiya tədarükünü onunla əvəz etməyi hədəfləyir. Avropa Komissiyasının rəhbəri Ursula Fon der Lyayen Bakıya səfəri zamanı iyulun 18-də Prezident İlham Əliyevlə birgə Azərbaycan ilə Avropa İttifaqı arasında enerji sahəsində Strateji Tərəfdaşlığa dair Anlaşma Memorandumunu imzalayıb. Həmin sənədə uyğun olaraq beş il ərzində Cənub Qaz Dəhlizi üzrə qaz təchizatı iki dəfə artacaq - 2027-ci ildən Avropaya hər il azı 20 milyard kubmetr mavi yanacaq ötürüləcək.
 
Daha sonra nəşr Ursula Fon der Lyayenə istinadla yazır ki, indi Azərbaycandan hər il 8 milyard kubmetr qaz tədarük edilir. Lakin gələn ildən bu rəqəm 12 milyarda çatmalıdır ki, bu da Rusiya qazının təchizatının azalmasını kompensasiya etməyə kömək edəcək.
 
Avropa Komissiyasının Prezidenti bildirib ki, Anlaşma Memorandumu Azərbaycan ilə “energetika sahəsində əməkdaşlıqda yeni səhifə” açır. Məqalədə qeyd olunur ki, sənədi imzalamazdan bir qədər əvvəl o, tvitter hesabında yazıb: “Aİ daha etibarlı enerji təchizatçılarına müraciət edir”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...