Bir neçə gündür ki, banklar tərəfindən kredit faizlərinin yenidən artırılacağı ilə bağlı məlumatlar yayılıb. Məlumata görə, banklar tərəfindən əmanətlər üçün depozit faizlərinin artırılması nəzərdə tutulur. Bu addımın kreditlərin bahalaşmasına və bankların daha yüksək faizli kredit təklif etməsinə səbəb olacağı bildirilir. Bəs kredit faizləri arta bilərmi?
Bu barədə Ednews-a açıqlamasında iqtisadçı-ekspert Məmməd Talıblı bildirdi ki, bunun üçün heç bir iqtisadi şərt mövcud deyil. Artmayacağını ifadə etmək üçün bir səbəb yetərlidir:
"Təxminən 1 ay bundan öncə Mərkəzi Bankının İdarə Heyətinin qərarı ilə uçot dərəcəsi 8.5%-dən 8.0%-ə, faiz dəhlizinin aşağı həddi 7.0%-dən 6.5%-ə, faiz dəhlizinin yuxarı həddi isə 9.5%-dən 9.0%-ə endirilib. Məntiqlə MB resurslara çıxışı ucuzlaşdıırb. Bu zaman bankların kredit faizlərinin artması üçün elə bir fundamental səbəb yoxdur. Bizdə sistem əhəmiyyətli banklar (BB, Kapital, Paşa bank) da bunu etməyə hazırlaşmırlarsa, demək kredit bazarında simvolik səviyyədə payı olan bankların bunu etməsi ciddi görünmür. Hər halda kredit bazarında bu 3 bankın xüsusi çəkisi 48% təşkil edirsə, digər 20 bankın kredit bazarında payı təxminən elə bu 3 bank qədərdirsə, demək kredit titrəyişi alınmayacaq".
Oğuz