Bəzi ekspertlər düşünür ki, əhalinin normal əmək haqqı almasına bəzi oliqarx məmurlar mane olur. Buna səbəb kimi isə bu yolla insanları idarə etmək göstərilir. 
Mövzu ilə əlaqədar iqtisadçı-ekspert Natiq Cəfərli Ednews-a açıqlamasında bildirib ki, maaşların yüksəldilməsi birbaşa dövlət siyasəti ilə bağlıdır:
"Bizdə əmək haqqı bazarına baxanda işçilərin yarıdan çoxu hələ də dövlət və büdcə təşkilatlarında çalışır. Onların maaşlarının artırılması dövlət və hökümətin qərarları ilə həyata keçir. Özəl sektorda isə maaşların artırılması üçün normal iqtisadi azadlıqlar mövcud olmalıdır. Rəqabətli mühit yaranmalıdır ki, işçi əməyi daha çox qiymətə minsin. Nəticədə də yeni iş yerləri açılsın. Yalnız belə olduqda maaşlar arta bilər. Burada iqtisadi azadlıqların genişləndirilməsi təbii ki, insiharçılığı aradan qaldırmaqla mümkün ola bilər. Ona görə də əmək bazarında əmək haqlarının yüksəldilməsi bir çox məsələlərlə birgə həll olunmalıdır. Ayrıca olaraq, sadəcə maaş artırılmasını götürmək doğru deyil. İqtisadi azadlıqlar artırılmalı, vergi yükü azaldılmalıdır. Bütün bunlar nəticə etibarı ilə əmək haqqlarının qalxmasına da təsir edə bilər".

Afaq