Pakistan Azərbaycanın investorları üçün geniş imkanlar təklif edir.O vurğulayıb ki, Pakistanda beynəlxalq investorlar, o cümlədən Azərbaycan tərəfdaşları üçün böyük potensial mövcuddur:
“Pakistan əməkdaşlığa açıqdır. Ölkə iqtisadiyyatı müsbət trayektoriyada inkişaf edir”.
"EDnews" xəbər verir ki, bunu Pakistanın dəmir yolları üzrə dövlət naziri, Pakistan Milli Assambleyasının üzvü Bilal Azhar Kayani Bakıda keçirilən II Beynəlxalq Aqrar İnnovasiyalar Forumunda deyib.
Nazirin sözlərinə görə, son bir ildə Pakistanda iqtisadiyyatı sabitləşdirmək mümkün olub: “Ölkənin qızıl-valyuta ehtiyatları artıb, inflyasiya əhəmiyyətli dərəcədə azalıb, enerji resurslarının qiymətləri aşağı düşüb. Ölkədə federal hökumətin strukturunun optimallaşdırılması prosesi başlayıb. Biz investorlar üçün vahid pəncərə – Xüsusi İnvestisiyalara Dəstək Şurası yaratmışıq. Bütün bu tədbirlər investorlar, şirkətlər və sahibkarlar üçün iş prosesini asanlaşdırmağa yönəlib. Pakistan biznes üçün açıqdır”.
Mədinə Məmmədova\\EDnews
