Azərbaycanın milli bayramı – 28 May Müstəqillik Günü münasibətilə dünya liderlərindən təbriklər gəlməkdə davam edir. EDnews xəbər verir ki, Portuqaliya Prezidenti Marselo Rebelo de Sousa Prezident İlham Əliyevə rəsmi təbrik məktubu ünvanlayıb.
Təbrik məktubunda Portuqaliya dövlət başçısı Azərbaycan xalqına sülh, rifah və davamlı inkişaf arzulayıb. O, iki ölkə arasında diplomatik münasibətlərin möhkəmlənməsindən məmnunluğunu ifadə edib və gələcək əməkdaşlığın daha da genişlənəcəyinə ümid etdiyini bildirib.
Qeyd edək ki, 28 May – Müstəqillik Günü Azərbaycan tarixində xüsusi əhəmiyyətə malikdir. 1918-ci ildə məhz bu gün müsəlman Şərqində ilk parlamentli respublika olan Azərbaycan Xalq Cümhuriyyəti elan olunmuşdu.
Fatima Şükürova // EDnews
