"Xəzər dənizi regionu üzərində nüvə təhlükəsi yaranıb".

“EDnews” xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Asiya və Sakit Okean Ölkələri Xəbər Agentlikləri Təşkilatının (OANA) 19-cu Baş Assambleyasında çıxışı zamanı bildirib.

Onun sözlərinə görə, Rusiya İran və İsrail ətrafında gərginləşən vəziyyətin danışıqlar müstəvisinə qaytarılması üçün bütün mümkün vasitələrə əl atır.

"Biz bu gərginliyi danışıqlar məcrasına yönəltmək üçün bütün mümkün addımları atırıq. Çünki anlayırıq ki, bizim də daxil olduğumuz regionda - Xəzər dənizi üzərində real və fiziki təhlükə mövcuddur. Xəzər təkcə İran deyil. Xəzər Rusiyanın da daxil olduğu bir neçə dövlətdir. Buna görə də vəziyyət bizim üçün birbaşa əhəmiyyət daşıyır", - deyə Zaxarova vurğulayıb.

Diplomat qeyd edib ki, İsrailin isə başqa bir su hövzəsinə çıxışı var və həmin ərazi bir sıra digər dövlətlərlə sərhədlənir:

"Fukusima qəzasını xatırlayın, halbuki bu, lokal xarakter daşıyan bir hadisə idi. Yaponiya həmin faciəni lokallaşdırmaq üçün bütün texniki imkanlara malik idi", - deyə Zaxarova vurğulayıb.