Şahdağ Milli Parkında zubr balası dünyaya gəlib - FOTO | Eurasia Diary - ednews.net

14 Dekabr, Şənbə


Şahdağ Milli Parkında zubr balası dünyaya gəlib - FOTO

Maraqlı A- A A+
İDEA İctimai Birliyi, Ekologiya və Təbii Sərvətlər Nazirliyi və WWF-in Azərbaycan ofisi tərəfindən həyata keçirilən zubrların reintroduksiya layihəsi çərçivəsində Azərbaycana gətirilən zubrlardan birinin erkək balası dünyaya gəlib. 
 
Eurasia Diary xəbər verir ki, bunu Şahdağ Milli Parkının direktoru Akif Məmmədov bildirib.
 
O qeyd edib ki, bala sağlamdır və artıq yerli şəraitə uyğunlaşaraq sürüyə qoşulub: "Şahdağ Milli Parkı ilə IDEA İctimai Birliyi arasında imzalanmış Əməkdaşlıq Sazişinə əsasən nəsli kəsilmiş zubrların bərpası, onların ölkə təbiətinə reintroduksiya olunması və artırılması məqsədilə 2019-cu ilin mayında Şahdağ Milli Parkının İsmayıllı bölməsinin ərazisinə Fransa və Belçika zooparklarından 12 baş zubr gətirilərək təbiətə buraxılıb. Sevindiricidir ki, artıq onların sayı 13 olub".
 
Direktor əlavə edib ki, gələn il daha 8 zubrun Azərbaycana gətirilməsi nəzərdə tutulub.
 
 
 
 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...