Səhər vaxtı tez və asanlıqla oyanmağın bir neçə yolu var. Lenta.ru-ya müsahibəsində tibb elmləri doktoru, professor Roman Buzunov bu haqda məsləhətlər verib.
Ednews sözügedən müsahibəni ixtisarla təqdim edir.
Ən əsas və birinci qayda gecələr kifayət qədər yuxudur. Mütəxəssisin fikrincə, insan tələb olunan oyanma vaxtından əvvəl kifayət qədər yuxu alırsa, səhər oyanmaq problem yaratmır. Digər mühüm amil sabit rejimin formalaşmasıdır.
Sağlam insan 2-3 həftə dalbadal eyni vaxtda yatıb qalxarsa o artıq rejimə uyğunlaşacaq. O fərqinə varacaq ki, artıq qış səhəri oyanmaq o qədər çətin deyil.
Mütəxəssis səhər oyanmaqda çətinlik çəkənlərə oyandıqdan 15 dəqiqə sonra bir az fiziki fəaliyyət, yaxşı səhər yeməyi, yeni günə başlamaq üçün motivasiya tövsiyə edib. O, həmçinin günortadan sonra yuxunun keyfiyyətinə mənfi təsir göstərən spirt və kofein qəbulunu dayandırmağa çağırıb.
Zəngli saatı çarpayıdan bir qədər uzağa qoyun. Çalışın zəngli saatı otağın uzaq küncünə, qapının ağzına və ya digər bir otağa qoyasınız. Onu söndürmək üçün siz mütləq ayağa duracaqsınız.
Oğuz Ayvaz