Piramidalar dünyanın ən möcüzəvi tikililərindən hesab ounur. Pramidalara dünyanın müxtəlif yerərində rast gəlmək olsa da, Misir piramidaları öz quruluşuna və xüsusiyyətlərinə görə hamısından fərqlənir. Onlar haqda əfsanələr və fərziyyələr çoxdur.

Ednews Misir piramidaları haqqında maraqlı araşdırmanı təqdim edir.

Piramidaların tarixi

Fironların mumiyaları və onların qiymətli xəzinələrini qorumaq üçün qədim Misirdə tikildiyi güman edilən piramidaların heç bir yerində bu günə qədər mumiya və ya xəzinə tapılmayıb. Dünyanın ilk inşa edilmiş piramidası Saqqarada yerəşir və eramızdan əvvəl 2620-ci ildə tamamlanmışdır. Digər piramidaların bir çoxu tamamlanmamış və ya tikinti zamanı dağıdılmışdır. Məsələn, eramızdan əvvəl 2570-ci ildə inşa edilən Meidum Piramidası səkkizinci pilləkənin tikintisi zamanı dağılmışdır.

Piramidaları kim tikib?

Misirli qullar tərəfindən tikildiyi güman edilən piramidaların tikintisi ilə bağlı 1990-cı ildə maraqlı bir fakt meydana çıxır. Bir turistin mindiyi atın ayağı çuxura düşür və bu çuxur sirli bir zirzəmiyə açılır. Bu yerin piramidanın tikintisində iştirak edən fəhlə və ustalarının məzarı olduğu düşünülür. Günbəzli türbəyə oxşayan bu yerin divarları naxışlı, görünüşü mükəmməl idi. Bu da işçilərin qul olmadığına işarə edir. Sonralar əsas işçilərin səhər işləyib axşam isə evə getdən sadə insanlar olduğu müəyyən edilib.

Misir piramidaları ilə bağlı ən böyük sirlərdən biri onların ucaldılması üçün istifadə edilən tikinti texnikasıdır. Böyük Giza Piramidasının tikintisi üçün 2 milyondan çox əhəngdaşı və qranit blokundan istifadə edilib. Misirlilərin inanılmaz şücaəti elə buradan bilinir.

İngilis riyaziyyatçı və astronomlarından biri olan Con Taylor bir sıra araşdırmalar apararaq müəyyən nəticələr əldə etmişdir. Belə ki, Xeops piramidasının dörd üçbucaqlı üzünün ümumi sahəsi piramidanın hündürlüyünün kvadratına bərabərdir.

Xeops piramidasının hündürlüyünü 1 milyarda vuranda Yerlə Günəş arasındakı məsafəyə bərabər olur.

O zamanlar piramidalar günəş saatı kimi fəaliyyət göstərirdi və oktyabrın ortalarında və martın əvvəlində piramidaların yaratdığı kölgələr fəsilləri və ilin uzunluğunu göstərirdi.

Xeops piramidası ilə yerin mərkəzi arasındakı məsafə onunla Şimal qütbü arasındakı məsafəyə bərabərdir.

Elmi cəhətdən sübut olunmayan bəzi fikirlər də var:

Bildirilir ki, piramidaların üzərindən keçən meridian quru və dənizi iki bərabər hissəyə ayırıb.

Piramida hansı firon üçün tikilibsə, günəş şüaları ildə iki dəfə həmin padşahın otağına daxil olur. Həmin günlər padşahın doğulduğu və öldüyü günləri göstərir.

Piramidanın içərisində olarkən radar və bəzi alətlərin işləmədiyi bildirilir.

Piramidanın içərisinə qoyulan çirkli suyun bir neçə gün ərzində təmizləndiyi də deyilir.

Piramidanın içərisində qalan süd bir neçə gün çürümədən qala, hətta daha uzun müddət qalarsa, qatığa çevrilə bilər.

Piramidada olarkən dəridəki açıq yara daha tez sağalır.

Piramidanın içi qışda isti, yayda isə sərin olur.

Mehri Ağayeva