Keniyalı deputat Çarlz Onqondo Vere Nayrobidə güllələnib.
“EDnews” xəbər verir ki , bu barədə “Citizen” telekanalı məlumat yayıb.
Yayım korporasiyasının məlumatına görə, insident Keniya paytaxtının yolayrıclarından birində baş verib. Şahidlər iki hücumçunun motosikletdə olduğunu iddia edir. Onlardan biri avtomobildə olan Vereyə yaxın məsafədən atəş açıb, bundan sonra hər iki hücumçu hadisə yerindən qaçıb.
Deputatın sürücüsü sağ qalıb ki, bu da hücum edənlərin ancaq onu hədəfə aldığını göstərir.
Atışmanı yaxınlıqda olan yol polisi əməkdaşları izləsələr də, hücum edənlərin qarşısını ala bilməyiblər. Çarlz Onqondo Vere Nayrobi Xəstəxanasına aparılıb və orada öldüyü məlum olub.
Cinayətin motivləri naməlum qalır. “Daily Nation” qəzetinin məlumatına görə, təxminən iki ay əvvəl Kasipul seçki dairəsini təmsil edən Vere həyatının təhlükədə olduğunu bildirib.
Fatimə Mərdanlı //EDnews
.jpg)
