Səudiyyə Ərəbistanı Krallığının Azərbaycan Respublikasındakı səfiri doktor Həməd ben Abdulla ben Xüdeyr Eurasia Diary-ə eksklüziv müsahibə verib.
- Bildiyimiz kimi, Səudiyyə Ərəbistanı səfirliyinin dəstəyi ilə Bakı Avrasiya Universitetində Ərəb dili mərkəzi yaradılıb. Belə bir Mərkəzin yaradılmasında məqsəd nədən ibarətdir?
- Əssəlamu alekum və rahmətullahi və bərəkatuhu. Səudiyyə Ərəbistanı Krallığı, ərəb dilinə Kral Abdulla ben Əbdüəziz Beynəlxalq Xidmət Mərkəzinin timsalında, Səudiyyə və Bakı Avrasiya Universiteti ilə təmsil olunan Azərbaycan tərəflərinin iştirakı ilə Bakıda İki Şərafətli Hərəmin Xidmətçisi Səfirliyinin qəyyumluğu altında Ərəbşüqnaslıq, yəni Ərəb dili mərkəzi yaradıldı. Burada məqsəd ərəb dilinin daha geniş yayılmasıdır. Mərkəzin vəzifələrinə həmçinin Azərbaycan Respublikasında və Orta Asiya ölkələrində ərəb diliinin tədrisinin təşkili, bu sahə üzrə mütəxəssislərə, Bakı Avrasiya Universitetində bu dili öyrənmək istəyənlərə, elmi tədqiqat işləri aparanlara, öz əcdadlarının vaxtilə bu dildə yaratdıqları ilə yaxından tanış olmaq və bu irsi dirçəltmək istəyənlərə yardım göstərilməsi da daxildir.
- Ərəb dili mərkəzinin açılışı Azərbaycan Respublikası üçün nə deməkdir?
- Bu layihənin həyata keçirilməsində İki Şərafətli Hərəmin Xidmətçisi Kral Salman ben Əbdüləziz və onun qardaşı Zati-aliləri Prezident İlham Əliyevdən hər cür dəstəyi almışıq. Bu sahədə Azərbaycanın layiq olduğu öncül mövqeyə qayıtmasında onlar çox maraqlı idilər. Krallıq bütün dünyada ərəb dilinin yayılması və inkişafı sahəsində böyük işlər görür. Gizli deyildir ki, Azərbaycan Respublikası, ümumiyyətlə, Orta Asiya keçmişdə bu sahədə böyük rol oynayıblar. Dil, astronomiya və başqa elm sahələrini təmsil edən və bu ölkələrdən olan çoxsaylı elm adamları vardır ki, onlar bu elmlərin inkişafında böyük rol oynayıblar. Lakin keçmiş dövrlərdə siyasi səbəblər üzündən ərəb dilinə maraq da zəiflədi, indi azərbaycanlılar bu və başqa elm sahələrinin inkişafında öz əcdadlarının dövrünə qayıtmaq istəyindədirlər. Ərəb dilinin əhəmiyyəti həmçinin ondadır ki, o həm də Qurani Kərimin dilidir, bu dilin söz ehtiyatı, qaydaları, ifadə və terminləri bütöv bir irsdir.
- Gələcək üçün planlarınız necədir?
- Gələcək planlarımız ərəb dilini daha da yaymaq, tədqiqatçıların və ziyalıların bu sahədə fəal roluna yardımçı olmaq, elmi araşdırmalar həyata keçirmək, mənbə və kitabların təfsirini vermək və ölkərəmizin bu sahədə öncül mövqeyə qayıtmasına nail olmaqdan ibarətdir.
Müsahibəni götürdü: Həşim Məmmədov
Tərcümə etdi: Zakir Qasımov