“Azərbaycan vətəndaşlarının Türkiyə ilə elektron alış-verişinin artması yerli sahibkarlar üçün mənfi təsirləri var”
Bu fikirləri iqtisadçı Rəşad Həsənov Ednews-a açıqlaması zamanı bildirib
O, daha sonra qeyd edib ki, ümumi götürdükdə lirənin ucuzlaşmasının fərqli seqmentlərə və fərqli əhali qruplarına fərqli təsirləri var:
“Belə ki, istehlak baxımından nəzərə almaq lazımdır ki, Türkiyə Azərbaycan əsas xarici ticarət tərəfdaşıdır. Eyni zamanda xüsusilə də son illərdə elektron ticarətdə genişlənmiş əməkdaşlıq var. Bu aspektdən yanaşdıqda fiziki şəxslərin qısa müddətli dövrdə daha aşağı qiymətə malları istehlak etmə imkanı yaranır. Sahibkar və idxalçılar tərəfdən baxsaq, onlarda müəyyən qədər burdan mənffət əldə edə bilirlər.
Lirənin ucuzlaşması bəzi hallarda imkan yaradır ki, Azərbaycan bazarlarında daha aşağı qiymətlı təşviq etməklə rəqabəti artırırlar, dövrüləliyi genişləndirirlər. Lakin uzun müddətli dövrə baxanda inflasiya nəticəsində qiymətlər artır və imkanlar məhdudlaşır. Digər tərəfdən isə lirənin kəskin şəkildə ucuzlaşması Azərbaycandan Türkiyə bazarına ixrac edilən məhsulların rəqabətliliyinə neqativ təsirlər yaradır. Çünki ixrac olunan məhsulların maya dəyəri manatla formalaşır”.
İqtisadçı əlavə olaraq qeyb edib ki, lirənin ucuzlaşmasının bir sıra mənfi cəhətləridə var:
“Lirənin ucuzlaşması və manatın real effektiv məzənnəsi lirəyə nisbətdə möhkəmlənməsi son nəticədə bizdən ixrac olunan məhsulların həmin bazarlarda qiymət aspektindən daha baha qiymətə təşviq edilməsinə səbəb olur. Daxili bazarlar üçün istehsal edən yerli istehsalçılar aspektindən də vəziyyət müəyyən mənada ikitərəfli təsirləri ilə müşahidə olunur. Xammalı əsasən Türkiyədən idxal edən və istehsalı bunun üzərində quran sahibkarlar qısa dövrdə fayda əldə etsə də, əsas istehsal maya dəyəri Azərbaycanda manatla formalaşdığı üçün daxili bazarda yerli istehsalın rəqabət apara bilməməsi məsələsi ortaya çıxır”.
Xəyal Ramiz