Azərbaycanla sərhədi keçən erməni hərbçi böyük ehtimalla azıb.

Eurasia Diary xəbər verir ki, bunu Ermənistan Müdafiə naziri David Tonoyan jurnalistlərə açıqlamasında deyib. O, hazırda məsələ ilə bağlı istintaq aparıldığını bildirib.

Tonoyan hərbçinin xidmət etdiyi hərbi hissədə təzyiqlərə məruz qalmasıyla bağlı Azərbaycanın açıqladığı məlumatın yalan olduğunu iddia edib. Əsgərin psixoloji vəziyyətindən söhbət açan Tonoyan hələlik bunun müəyyən edilmədiyini bildirib.

O, erməni əsgərin geri qaytarılması ilə bağlı artıq müvafiq beynəlxalq təşkilatlara müraciət olunduğunu qeyd edib.

“Bu, bizim üçün ağır hadisədir, amma düşünürəm ki, hər şey yaxşı sonluqla qurtaracaq,-deyə nazir bildirib

Qeyd edək ki, Azərbaycan Müdafiə Nazirliyi avqustun 12-si səhər saatlarında cəbhənin Füzuli rayonu istiqamətində düşmən tərəfindən fərarilik etmiş hərbi qulluqçu Kazaryan Aro Xaykoviçin saxlanılması barədə məlumat yayıb. Nazirlik Xaykoviçin hərbi hissədə baş verən özbaşınalıq, hərbi qulluqçulara qarşı edilən dözülməz və qeyri-insani münasibət ucbatından qaçdığını etiraf etdiyini bildirib.(axar.az)