İranda etirazlar başlayandan bəri 419 nəfər həlak olub.
Ednews xəbər verir ki, bu barədə məlumatı Telegram-da ABŞ-da yerləşən “İnsan Haqları Müdafiəçiləri İranda” təşkilatı yayıb.
İlkin məlumatlara görə, ölənlər arasında 58 nəfər 18 yaşdan kiçikdir.
Qeyd olunur ki, 17 sentyabrdan indiyədək 17 451 vətəndaş həbs edilib. Onlardan 3024 nəfərin kimliyi və saxlandığı yer məlum deyil. Eyni zamanda həbs olunanların 540-ı tələbədir. Nümayişlərə 142 universitetdən tələbələrin qatıldığı vurğulanır.
Məlumata görə, ölkənin 155 şəhərini əhatə edən aksiyalar zamanı güc strukturlarının 54 nümayəndəsi həlak olub.
