Ermənilərdən həyəcan siqnalı: Qərbi Zəngəzurda mis-molibden zavodu ətraf kəndləri zəhərləyir - ednews.net

27 Yanvar, Cümə

(+994 50) 229-39-11

Ermənilərdən həyəcan siqnalı: Qərbi Zəngəzurda mis-molibden zavodu ətraf kəndləri zəhərləyir

Siyasət A- A A+
Qərbi Zəngəzur (ermənilər Sünik adlandırır) mis-molibden zavodunun tullantıları bitişik əraziləri çirkləndirərək Oxçuçay çayına (ermənilər Voqci adlandırır) axır.
 
Ednews xəbər verir ki, bu barədə informasiya “Joxovurd” qəzetində yer alıb.
 
Mənbə yazır ki, son vaxtlar “Artsvanik” kombinatına məxsus tullantı suları və tullantılar nəinki Açanan çayına, oradan isə Oxçuçay çayına tökülür, həm də qonşu yaşayış məntəqələrinə çatır, ətraf mühiti çirkləndirir və kənd təsərrüfatı müəssisələrinə ziyan vurur.
 
Ermənistanın Təbiəti Mühafizə və Mineral Ehtiyatlara Nəzarət Qurumu problemlə bağlı nəşrin sualına günün sonuna kimi cavablandıracağına söz verib.
 
“Ətraf mühit naziri Akop Simidyan və onun komandasına mis-molibden zavodu bir vaxtlar maraqlı olub. Çünki öz dostlarını bura işə düzəldib. İndi isə ekoloji problemlər onları narahat etmir. Biz mis-molibden zavodunun dağıdıcı fəaliyyəti ilə bağlı bir çox yerlərə müraciət edəcəyik”, - qəzet qeyd edib.
 
“Qafanın hüquqi sahibləri” adlı qeyri-hökumət təşkilatı öz Facebook səhifəsində “Kacaranda Oxçuçay çayı: üç gündür bu vəziyyətdədir” qeydi ilə video yayımlayıb.


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...