Fransa Ermənistanı silahlandırır, Niderland Avropa Birliyini İrəvana hərbi dəstək verməyə çağırır, bəzi qitə ölkələri əleyhimizə qətnamələr qəbul edirlər. Avropadakı Azərbaycana qarşı bu fəallıq nədən xəbər verir, nəyə hazırlaşırlar?

Bu barədə Ednews-a politoloq Cümşüd Nuriyev bildirib ki, Avropanın nəyə hazırlaşdığını deyə bilmərəm, amma Fransa Afrikada bütün mövqelərini itirdiyinə görə Cənubi Qafqaza girməyə çalışır: 

"Bu, Amerikanın tapşırığı ilə olan bir şeydir. Çünki çalışırlar ki, Qafqazdakı mövqelərini itirməsinlər. Bilirlər ki, burada onların oyunlarına gedə biləcək yeganə dövlət Ermənistandır. Burada həm Ermənistanla, həm də pərdə arxasında İranla oyun oynayırlar. Görünən budur ki, Fransa Afrikada itirdiyi mövqelərini Qafqazla kompensasiya etməyə çalışır. Ermənistana silahların satılması boş şeydir. Çünki Ermənistanın elə bir siyasi, iqtisadi və hərbi gücü yoxdur ki, Azərbaycan ərazisinə girsin".

Politoloq qeyd etdi ki, İran bir az tərəddüd içindədir, Fransaya həm “hə”, həm də “yox” deyir. Çünki onların bir-birlərinə bağlılığı çoxdur:

"Rusiyaya gəlincə, Fransanın onu bölgədən çıxarmağa gücünün çatacağına inanmıram. Rusiyanın həm İkinci Qarabağ Müharibəsi, həm də birgünlük antiterror tədbirləri zamanı Rusiyanın bitərəf mövqe tutmasının səbəbi o idi ki, Azərbaycan öz gücünü göstərsin. Azərbaycan da öz gücünü sübut etdi.

Fransa vurnuxur, Makron gah bura əl atır, gah Fələstində Mahmud Abbasla görüşür, gah da İsrailə gedir, görünən budur ki, itirdikləri rollarını geri qaytarmağa çalışırlar. Makron özünü Şarl De Qollun yerində görür, amma ondan De Qoll olmaz. Çünki Şarl De Qollun fikri bu idi ki, Fransa haradadırsa, orada güclü olmalıdır. Makronun can atdığı yerlərdə isə Fransa yoxdur".

Oğuz