Xəbər verdiyimiz kimi, Türkiyənin nəqliyyat və infrastruktur naziri Əbdulkadir Uraloğlu bildirib ki, Türkiyə Zəngəzur dəhlizinin 2029-cu ilə qədər yaradılacağına ümid edir. Nazir qeyd edib ki, Ermənistan ərazisindən keçən hissə istisna olmaqla, Horadizdən Ordubada qədər olan hissədə tikinti işləri davam edir.
Mövzu ilə bağlı Ednews-a açıqlamasında politoloq Hasan Oktay bildirdi ki, 44 günlük müharibə başa çatdıqdan sonra imzalanan 10 noyabr müqaviləsi Azərbaycan-Ermənistan arasında atəşkəs sazişi xarakteri daşıyırdı.
“Bu müqavilədə diqqət çəkən bənd Laçın dəhlizi haqqında idi. Lakin sonrakı proseslərdə Azərbaycan Laçın dəhlizini bağladı və 10 noyabr müqaviləsinin müddəası faktiki olaraq ləğv edildi. Laçın dəhlizində müvafiq gələcək Zəngəzur dəhlizi gözlənilirdi. İndi bu dəhlizin açılması ilə bağlı ilk növbədə beynəlxalq hüquq normalarına uyğun hərəkət etmək lazımdır. Bu dəhliz Ermənistandan keçərsə, onun infrastrukturu Türkiyə, Ermənistan və Azərbaycan arasında üçtərəfli sülhlə reallaşa bilər. Əgər sülh sazişi yoxdursa, belə bir dəhlizin açılması hazırda mümkün görünmür. Türkiyə Cümhuriyyəti Nəqliyyat Nazirinin 2028-ci il kimi bir tarix verməsinin heç bir əsası yoxdur. Türkiyə və Azərbaycanda Zəngəzur dəhlizi ilə bağlı böyük gözlənti olduğundan dövlət rəsmilərinin çıxış mətnlərinə zaman-zaman bu cür kiçik qeydlər əlavə edilir və gözləntilər yaratmaqda davam edir. Bugünkü beynəlxalq hüquqa görə, Ermənistanın Birləşmiş Millətlər Təşkilatının qəbul etdiyi sərhədləri daxilində hər hansı müstəqil və ya əlaqəli dəhlizin açılmasını gözləmək mümkün deyil. Fikrimizcə, sürətli və asan keçid səyləri dəhliz deyil, Türkiyə, Ermənistan və Azərbaycan arasında üçtərəfli sülh yolu ilə həyata keçirilməlidir”.
Oğuz
