Keçən ilin sonuna yaxın Azərbaycanla Ermənistan arasında müsbət dinamika müşahidə edildi. Qarşılıqlı olaraq saxlanılan şəxslər təhvil verildi və Ermənistan COP29-un Azərbaycanda keçirilməsi məsələsinə dəstək ifadə etdi. Bu tendensiyanın bu il sülhlə yekunlaşacağı ehtimalı nə dərəcədə böyükdür?

Bu barədə Ednews-a açıqlamasında politoloq Fikrət Sadıqov bildirdi ki, keçən il ərzində bir sıra amillər bizə müəyyən dinamikanın olmasını təsdiq edir:

“Yəni, burada həqiqətən hərbiçilərin dəyişdirilməsi Ermənistanın COP29-la bağlı addımı bizə əsas verir ki, müəyyən dinamik proseslər baş vermişdi. Amma göstərici kəmiyyət deyil, göstərici həmişə keyfiyyətdir, biz bilirik. Bir çox məsələlər həll olunsa da qalan bir neçə məsələlər o qədər mühüm və prinsipialdır ki, onu həll etməmiş sülh sazişini imzalamaq mümkün deyil. Bunlardan biri Zəngəzur dəhlizidir. Ermənistan Azərbaycan təklif edir ki, biz öz ərazimizdən başqa bir ərazimizə keçmək üçün onların guya gömrük və sərhəd qoşunlarından keçməliyik. Bu da absurd bir təklifdir. Yaxud da onlar təklif edir ki, qoşunlar sərhəddən çəkilməlidir. Azərbaycan bunu normal qəbul edə bilməz. Çünki orda qoşunlar ona görə yerləşdirilib ki, bizim sərhədlərimizi qorusunlar və eyni zamanda delimitasiya olunmamış, sərhədlər təyin edilməmiş qoşunlar ordan niyə çəkilməlidir? Belə məsələlər sülh müqaviləsinin imzalanmasına çox böyük çətinliklər yaradır. Düşünürəm ki, bu ilə ərzində Azərbaycan diplomatiyası əlindən gələni etməlidir və edəcək. Ki, Ermənistana müəyyən təzyiq göstərməklə bu məsələni normal, maraqlarıma uyğun şəkildə həll edək”.

Oğuz