“Krokus City-ə qarşı aparılan informasiya müharibəsi ilk növbədə Rusiya mediasında söz sahibi olan erməni lobbisinin fəaliyyətinin nəticəsidir. Çünki Araz Ağalarov həm şou-biznes, həm sərgi biznesi, həm də yüksək keyfiyyətli dünya brendlərini Rusiyaya gətirmiş iş adamı kimi, bütün sahələrdə ermənilərin həzm edə bilmədiyi fəaliyyətlər aparır”. 

Bu sözləri məşhur jurnalist Fuad Abbasov Ednews-a açıqlamasında, Ağalarovlara qarşı cinayət işinin açılması ilə bağlı rus mediasında gəzən şayiələri şərh edərkən söyləyib. 

“Baş verən hadisələrin hamısı erməni lobbisinin əlinə bir fürsət olaraq keçmişdir. Azərbaycanlı, Azərbaycan əsilli, ələxsus prezident ailəsinə yaxınlığı ilə bilinən Ağalarov ailəsinə bir hücum etmək, onları ictimaiyyət qarşısında gözdən düşürmək kampaniyası aparılır. Yaddan çıxartmayaq ki, Krokus-un yanğın təhlükəsizliyinə qarşı tədbirləri terror aktı sırasında əlində molotov kokteylləri ilə hücum edən və bir anda bütün Krokusu əhat edən yanğına qarşı nəzərdə tutulmayıb. İkincisi isə buranın təhlükəsizlik xidməti üzərində heç vaxt silah gəzdirmirdi. Onların silahları, bir-biriləri ilə əlaqə qura bilmək üçün radio cihazlar və maksimum sərxoş halda bu və ya digər halda qanun pzountusu edən ziyarətçilirə qarşı dəyənək istifadə olunurdu. Onlarda heç vaxt odlu silah olmayıb. Digər tərəfdən hər kəs Krokus-un şəxsi yanğınsöndürmə heyətinin  olduğunu lakin nədənsə bu heyətin yanğın günündə orada olmadığını, müdaxilə etmədiyini yazırlar. Lakin unudulan məsələ odur ki, həmin heyət Rusiya Fövqəladə Hallar nazirliyinin əməkdaşları olduğundna orada işdən azad saatlarında əlavə pul qazanmaqla fəaliyyət göstərirdilər. Onların isə cavabdehlikdən yayınması ilk başda Rusiya FHN-dən soruşulmalıdır. Yəni niyə sizin əməkdaşlarınız niyə yanğın sırasında cavabdehlikdən yayındılar?”

Aparılan bu kampaniyanın uğursuzluğunu qeyd edən F. Abbasov baş tutan hadisəni Anatoliy Zakın həbsi ilə oxşarlığını da qeyd edib.

"Erməni lobbsinin başlatdığı bu kampaniya, ilk növbədə 2009 – cu ilin 5 dekabrında Moskvanın “Axsaq At” adlı gecə klubunda çıxan yanğında 156 nəfərin nəfərin ölümü ilə nəticələnən və klub sahibi  Anatoliy Zaka qarşı 9 il həbs verilməsi təcrbəsindən yola çıxaraq  hərəkət edirlər. Bunlar üçün çox böyük nailiyyət olar ki, ya Araz Ağalarova ya da onların hər hansı bir idarə heyəti üzvünə Zaka verilən həbsin heç olmasa yarısı verilsin. Lakin mənə elə gəlir ki, bu fəaliyyətlər Rusiya prezidenti Putinin nəzarəti altındadır. Putin heç vaxt imkan verməz ki, Azərbaycan prezidentinin ailəsinə yaxın Ağalarovlara qarşı cinayət işi başladılsın. Çünki Ağalarovların apardığı biznes fəaliyyətləri iki ölkə arasındakı siyasətə birbaşa təsir göstərir. Ermənistan və Gürcüstanın Rusiyaya qarşı çıxdığı bir dövrdə, Cənubi Qafqaz bölgəsində yeganə müttəfiq dövlət olan Azərbaycanın tanınmış iş adamlarına həbs cəzası verilməsi birbaşa iki ölkə arsaındakı əlaqələrin pozulması deməkdir. Bu da hərçənd hazırki günümüzdə Moskvaya heç cür sərf etmir. Ona görə də erməni lobbisinin apardığı fəaliyyətlər nə qədər ayaq tutsa da addımlaya bilməyəcəyini düşünürəm".

Əkbər Novruz