Regional və qlobal miqyasda baş verən proseslərin Cənubi Qafqaza təsiri qaçılmazdır. Elə bir situasiya yaranıb ki, Rusiya-Ukrayna müharibəsi arxa plana keçib. İndi Yaxın Şərq, İsrail-İran münasibətləri gündəmdədir. Proseslərin Azərbaycana təsirləri necə olacaq?
Bu barədə Ednews-a siyasi şərhçi Tofiq Abbasov münasibət bildirib. Onun sözlərinə görə vəziyyətin ağırlığı onunla bağlıdır ki, güc sahibləri, mərkəzləri bilərəkdən xaosun yaranmasına can atırlar.
"Əllərİndən gələni edirləri ki, münaqişəli vəziyyətlərin sayı artsın, qaynar nöqtələrin yeniləri peyda olsun. Onlar düşünürlər ki, qlobal hərc-mərclik yaranarsa, ən sonuncu özləri yıxılacaqlar və yenidən qalxacaqlar. Bu belə deyil. Faktiki olaraq hal-hazırda ona yaxın ciddi, münaqişəli zona var və onlardan biri də Qafqazdır. Bəzi siyasətçilər, qlobal müharibənin reallığa çevrilməsinə nail olmaq üçün çalışırlar. Qafqaz çox həssas, vacib bölgədir və böyük potensialı var. Söhbət ilk növbədə kommunikasiya potensialından gedir ki, həm qitələrarası münasibəti formalaşdırırıq digər tərəfdən isə, onların iştirakçısına çevrilmişik. Bu da həm qərb, şərq, şimal, cənub, cənub-qərb, cənub- şərq bütün bu istiqamətlərin hamısında Azərbaycan Qafqazda açar rolunu oynayır. Əgər həqiqətən də problemli vəziyyət yaranarsa, bütün dünya ticarəti, qlobal layihələrin hamısının müqəddəratı sual altında olacaq”.
Politoloq qeyd etdi ki, İran və İsrail arasında münasibətlər gərginləşib. Azərbaycan dövlətinin səsi artıq eşidildi və hər iki tərəfi bir qədər balanslı davranmağa çağırdı:
“Bu çağırış məhz praqmatik baxışın nəticəsidir. Dövlətimiz də həmçinin Ermənistan ilə savaşa qatılmışdır. Bizim savaşımız çox ədalətli şəkildə başa çatdı və nəticədə Ermənistana təklif irəli sürdük ki, artıq inteqrasiya proseslərinə başlasınlar. Əlbəttə onları bu prosesdə kənara çəkən qüvvələr var idi və biz bilirik ki, onlar kimlər idi. Yaxın şərqin yeni geosiyası xəritəsi artıq çoxdandır cızılıb və orda Türkiyənin bölünməsi və Kürdüstanın yaradılması kimi məsələlər var idi. Əlbəttə onların öz baxışları və hesablamaları kontekstində bu məsələlərə yanaşırlar. Həmçinin Türkiyə də zəif dövlət deyil və onun dünya birliyində öz çəkisi var. Bizim strateji tərəfdaşlığımız mühüm faktordur”.
Oğuz