“Heç şübhəsiz Qərbi Azərbaycan televiziyasının açılması Azərbaycan tarixində və Qərbi Azərbaycanla bağlı olan istəklərimizin reallaşmasında xüsusi önəm daşıyır. Kanalın Qərbi Azərbaycanın tarixi irsinin, mədəniyyətinin təbliğində mühüm və vacib hadisədir”.
Bu sözləri Ednews-a açıqlamasında Beynəlxalq Avrasiya Mətbuat Fondunun prezidenti Umud Mirzəyev mayın 1-də Qərbi Azərbaycan İcmasının tərkibində fəaliyyət göstərən Qərbi Azərbaycan Televiziyasının binasının açılışı ilə bağlı fikir bildirərkən deyib.
Onun sözlərinə görə, Qərbi Azərbaycan televizyasının, belə bir platformanın ölkə daxilində və kənarında yayımlanmasına böyük ehtiyac vardı:
“İllər keçdikcə tarixin yaddaşı hadisələrin üzərinə çox tez pərdə çəkir. Hesab edirəm ki, belə bir efir məkanının olması, Qərbi Azərbaycan tarixinə işıq tutması baxımından son dərəcə önəmlidir.
Bu işdə zəhməti keçən, əzziyəti olan hər kəsə təşəkkür edirəm. Qərarın verilməsində də dövlətimizin yürütdüyü ideololgiya çox böyük önəm daşıyır. Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərlini, Qərbi Azərbaycan Televiziyası şöbəsinin müdiri Ülviyyə Zülfiqarı təbrik edirəm və kanalın işlərində uğurlar arzu edirəm”.
Qeyd edək ki, televiziya həftədə 6 dəfə, 3 dəfə Azərbaycan, 3 dəfə rus dilində olmaqla 2 saat boyunca efir yayımlayacaq. Üstəlik həftə ərzində yarım saatlıq ingilis dilində icmal da nəzərdə tutulub.
