"Azərbaycanla sərhəd delimitasiyası edilmədiyi üçün müəyyən münaqişə riski var. Biz bu riski minimuma endirmək üçün münaqişə ehtimalı ən yüksək olan yerlərdən başlayırıq. Vəziyyət nəzarət altında qalmalıdır”

Ednews "Caliber"ə istinadən xəbər verir ki, bunu Ermənistanın baş naziri Nikol Paşinyan İctimai Televiziya şirkətində erməni jurnalist Petros Qazaryana müsahibəsində deyib .

“Bu, uzun bir prosesdir. Biz Almatı bəyannaməsi əsasında sərhədin delimitasiyası razılaşması yaradırıq. Proses hardasa başlamalıdır, sonra biz sənədi parlamentin təsdiqinə göndərəcəyik, sonra da bu mandata uyğun olaraq bütün prosesi davam etdirəcəyik”.

O, qeyd edib ki, delimitasiya prosesi zamanı Ermənistan hökuməti təkcə ayrı-ayrı bölmələr üzrə deyil, həm də Ermənistanla Azərbaycan arasında bütün sərhədin bərpası üçün hüquqi əsas yaradacaq prinsipin qəbul edilməsi vəzifəsini qoyub.

“Ölkəmiz qarşıdakı illərdə həlledici əhəmiyyət kəsb edəcək qərarlar qəbul etməli olacaq. Bu müddət ərzində dövlətçiliyimizi, suverenliyimizi və müstəqilliyimizi qoruyub saxlaya bilsək, Ermənistan Respublikası növbəti onilliklərdə də müstəqil dövlət kimi mövcudluğunu davam etdirəcək. Biz bunun şahidiyik”, - deyə baş nazir əlavə edib.