Xəbər verdiyimiz kimi, Ağdam, Şuşa, Naxçıvan və Qazaxda mina hadisələri qeydə alınıb və bir nəfər həlak olub. 2020-ci ilin 10 noyabr tarixindən 2024-cü ilin 24 aprel tarixinə kimi 356 Azərbaycan vətəndaşı minadan zərərçəkən kimi qeydə alınıb. 

Azərbaycanın mina problemi niyə beynəlxalq müstəvidə müzakirə olunmur? Bundan başqa son zamanlar Ermənistanla olan münasibətdə müsbət dinamika müşahidə olunur. Ermənistan tərəfi mina xəritələrini bizə niyə təqdim etmir? Əgər sülhdən danışılırsa niyə mina məsələsi həllini tapmır və can almaqda davam edir.

Rusiya Prezidenti yanında Xarici Əlaqələr Şurasının üzvü Boqdan Bezpalko məsələ ilə bağlı Ednews-a bölüşüb. O, bildirib ki, mina probleminin işıqlandırılmasında ən böyük əngəl məsələnin dəfələrlə arxa plana atılmasıdır.

"Düşünürəm ki, mina problemi həm Ermənistan, həm də Azərbaycan üçün ortaq bir məsələdir. Xüsusilə mina sahələrinin xəritələrinə gəldikdə, ehtimal ki, onları vermək sadəcə mümkün deyil. Mina sahələri yəqin ki, çoxdan quraşdırılıb və bunu edənlər güman ki, xəritələri başqalarına yönləndirməyiblər. Bəlkə də mina sahələri o qədər çox basdırlıb ki, vahid mina xəritələri tərtib etmək sadəcə mümkün deyil. Nəticədə əsit götürülmüş insanlar hadisələr və ya qarşıdurmalar nəticəsində həlak oldular. Bu barədə beynəlxalq səviyyədə məlumatın olmamasına gəlincə, bunun çox sadə izahı var. İndi Ermənistan Azərbaycana qarşı etirazlarını Haaqa məhkəməsində səsləndirməklə məşğuldur. Ümumiyyətlə, 2020-ci ildən başlayaraq bu problemi ikinci, üçüncü və ya hətta dördüncü plana atan bir çox hadisə baş verdi. Ukrayna münaqişəsi, pandemiya, Qarabağ müharibəsi və.s. Bu cür mina problemlərini arxa plana atan hadisələrin də ardı olacaq".

Rutgers-də Siyasi Elmlər və ME Tədqiqatları professoru. BMT-də Alquds Alarabi bürosunun rəhbəri Abdelhamid Siyam:

"Bu sualı jurnalistlərə yox, hökumətlərə ünvanlamaq lazımdır. Azərbaycan Ermənistanı Beynəlxalq Məhkəməyə apara bilər. O, məsələni müzakirə etmək üçün TŞ-nin xüsusi iclasını tələb edə bilər. Onlar mina xəritələrini alana qədər uzlaşmanı gecikdirə bilər. Onlar BMT Baş Assambleyasının vasitəçilik rolunu tələb edə bilərlər. Mən Azərbaycan və ya Areminia üçün cavab verəcək vəziyyətdəyəm. Bu məsələ hökumətlərarası xarakter daşıyır.

Əkbər Novruz