Dünyada baş verən müharibələr və diplomatik krizislər miqrasiya məsələsinin günü-gündən ciddi problemə çevrilməsinə səbəb olub. İfrat hal almış miqrasiya və sığınacaq problemi dünya iqtisadiyyatına və rifahına zərər vurmağa davam edir.
Müharibə qaçqınlarının sayının artması daha nə qədər davam edəcək?
“Fələstinlilər Qüds və Qəzzada qaçqın halında yaşayırlar. Onlar bu fəlakətlə dəfələrlə qarşılaşıblar. Dünyada bir çox insanlar artıq Qəzzada və digər ərazilərdə baş verən hadisələr haqqında danışırlar və bu fəlakətin dəhşətli hal almasını yaymağa çalışırlar.”
Bu fikirləri Ednews-a özəl açıqlamasında bildirən ərəb ekspert Xəlil Əsali demək olar ki, bütün fələstinlilərin qaçqın vəziyyətində yaşadığını vurğulayıb:
“İndi fələstinlilər öz evlərindən məcburi köç etməyə məcbur qalaraq sığınacaq axtarırlar. Qəribədir ki, insanlar Ümumdünya Qaçqınlar Gününü qeyd edərkən fələstinlilər öz evlərində qaçqın həyatı yaşayırlar. Qəzzada qaçqın sığınacaqları məhv edilir.
Hal-hazırda biz bu mövzunu müzakirə edərkən İsrail ordusu qərb sahillərində qaçqınların sığınacaqlarını hədəf alır. Jeni və Ablas kimi qaçqın sığınacaqlarını məhv edirlər. Bu problemi həll etmək üçün real addım atmaq lazımdır. Reallıq odur ki, hazırda Qəzzada heç bir həyat və sağlam yaşayış yoxdur. Buna görə də, onlar bu ərazilərdə hər şeyi yenidən inşa etməli və həyatı bərpa etməlidirlər.”
Ekspert dünyada qaçqın problemi həll olunmasa müharibə bitməyəcəyini iddia edib:
“Qaçqın problemi çox ciddi hal alıb və almaqdadır. Bu İsrail-Fələstin münaqişəsinin, Yaxın Şərqin problemidir. Bu günlərdə demək olar ki, bütün fələstinlilər qaçqın vəziyyətində yaşayırlar. Onlar Qəzza şəhərinə təhlükəsiz şəraitdə qayıtmasalar bu problem öz həllini tapmayacaq və müharibə də bitməyəcək.”
Fərid
