Ermənistan rəhbərliyinin anti-Rusiya kursunda fasilə verdiyi deyilir. hətta uzunmüddətli fasilədən sonra erməni nümayəndə heyətinin Rusiyaya göndərilməsinə qərar verilib. Üstəgəl, Baş nazir Nikol Paşinyan Avropa Birliyinə üzvlük referendumuna ehtiyacın olmadığını açıqlayıb. 

Baş verənləri nəzərə alsaq Ermənistanın qarşısında hansı seçimlər dayanır?

Ednews xəbər verir ki, sualımızı cavablandıran rusiyalı siyasi ekspert Boqdan Bezpalko Ermənistanın bu referendum ilə onsuz da Aİ-yə üzvlük əldə edə bilməyəcəyini bildirib:

“Ermənistan Rusiyadan çox ciddi şəkildə asılıdır, əsasən də iqtisadi sahədə. Bu aydındır ki, əgər Ermənistan rəhbərliyi anti-Rusiya siyasi kursu götürsələr, onlar bunu yavaş-yavaş edəcəklər. Çünki, əks halda Rusiya Ermənistanın yardım almaq üçün və ya öz məhsullarını xaricə satmaq üçün istifadə etdiyi bütün yolları bağlaya bilər. 

Referenduma gəldikdə isə, referendumdan imtina etmək məntiqlidir, çünki bu referendum öz başına Ermənistanı Avropa İttifaqına üzv edə bilməzdi. Başqa bir halda əgər erməni vətəndaşlar Aİ-yə qoşulmaq üçün bir araya gəlib nümayişlər keçirtsələr onda bu barədə hansısa rəsmi qərar qəbul etmək lazım olacaq. 

Ermənistan Aİ-yə üzvlük proqramına qoşulmalıdır, hansı ki, inandırıcı görünmür. İkinci variant isə, odur ki, KTMT və digər bunun kimi Ermənistanın iqtisadiyyatını çiyinlərində daşıyan və ya onun təhlükəsizliyini təmin edən birlikləri tərk etməkdir.”

Fərid