Ukrayna Prezidenti Volodimir Zelenski Ankarada keçirilən NATO Zirvəsində çıxışı zamanı Azərbaycana təşəkkür edib.
EDnews xəbər verir ki, bu barədə Report məlumat yayıb.
Zelenski bildirib ki, Ukrayna Rusiyanın hücumlarına qarşı mübarizəni davam etdirir və ölkənin hava hücumundan müdafiə imkanlarının gücləndirilməsinə ehtiyac var.
O, Ukraynaya göstərilən dəstəyə görə tərəfdaş ölkələrə minnətdarlığını ifadə edib. Ukrayna lideri bu kontekstdə Azərbaycan, Türkiyə və digər tərəfdaşların dəstəyini xüsusi qeyd edib.
Zelenski vurğulayıb ki, Ukrayna NATO-nun kollektiv müdafiə sisteminin bir hissəsi olmalıdır. Onun sözlərinə görə, Ukraynanın döyüş təcrübəsi və müdafiə imkanları Alyansı daha güclü edə bilər.
