“Sülhün Kökləri” təşkilatının təsisçisi və baş direktoru Heidi Kuhn noyabrın 14-də Amerika Əfqanıstan Universiteti tərəfindən “Humanitar Elmlər Doktoru” fəxri dərəcəsi ilə təltif olunub.
Təltif olunma mərasimində ABŞ-ın sabiq birinci xanımları Laura Buş və Hillari Rodham Klintonun da iştirak edib.
Ednews xəbər verir ki, bu barədə Sülhün Kökləri təşkilatı məlumat yayıb. Təşkilatın rəhbəri bu cür ali mükafata layiq görüldüyü üçün böyük məmnunluq hissi keçirdiyini qeyd edib.
Keçmiş birinci xanım Laura Buş və sabiq dövlət katibi Hillari Rodham Klintonun rəhbərliyi altında keçirilən şam yeməyində Heidi Kuhn 2022-ci ilin mükafatçılarının fəxri siyahısına yer alan CNN-nin əfsanəvi jurnalisti Kristian Amanpur, “Washington Post” nəşrindən Pamela Konstebl, “New York Times”dan Karlotta Qall, eləcə də general-mayor Roberta L. Şi ilə birlikdə iştirak edib. Mükafat alanların hər biri Əfqanıstan vətəndaşlarının ağır həyat tərzinin asanlaşdırılmasına verdiyi töhfələrə görə tanınır.
Heidi Kuhn keçirdiyi qürur hisslərini belə izah edib:
“Mən Əfqan vətəndaşlarının ağır vəziyyətinin yaxşılaşdırılması üçün inanılmaz işlər görmüş belə yüksək nailiyyətlərə malik bir qrup qadının yanında humanitar elmlər doktoru fəxri dərəcəsini almaqdan dərin təvazökarlıq hissi keçirirəm. Əfqanıstan Amerika Universitetinin son bir ildə əfqan qadınlarına çətin şəraitdə keyfiyyətli kollec təhsili vermək üçün gördüyü bu böyük işi nəzərə aldıqda bunun əhəmiyyətinə varmaq olar. Biz birlikdə əfqan qadınları ilə həmrəyik”.
Qeyd edək ki, Əfqanıstan Amerika Universiteti (AUAF) qlobal bir universitetdir. 2021-ci ilin avqust ayından bəri bir neçə yüz tələbə dünya üzrə kampuslara köçürülüb. ƏAU Əfqanıstanı tərk edə bilməyən gənc əfqan qadın və kişilər üçün təhsil keyfiyyəti və akademik azadlığın çırağı rolunu oynayır. Əfqanıstan Amerika Universiteti Əfqanıstanda qadın və qızlara təhsil verməyə davam edir. Birinci kursda oxuyan 200 qadın ölkə daxilində evlərindən kənarda təhlükəsiz şəraitdə təhsillərini davam etdirir. Bundan əlavə, universitet təhsildən kənarda qalan yuxarı sinif şagirdlərinin orta məktəb təhsilini başa vurması üçün körpü proqramları quraraq, bir illik lisey təşkil edib. Universitet Əfqanıstanı tərk edə bilməyən əfqan qadın və kişilər üçün ümid işığı kimi xidmət edir.
Təşkilat rəhbəri olan Lesli Şvaytzer və Əfqanıstan Amerika Universitetinin dostları, tədbirin məqsədinin Əfqanıstandakı tələbələrinin vəziyyətini xatırlatmaq və onlara kömək etməyin vacibliyini vurğulamaq olduğunu bildiriblər.
“Təxminən iyirmi il ərzində biz Amerikanın həyatını və resurslarını Əfqanıstanda qadınların və qızların səlahiyyətlərinin artırılmasını dəstəkləməyə həsr etmişik. İndi deyəsən, Amerika Əfqanıstanı unudub. Təhsilə can atan bu heyrətamiz dözümlü qadın və qızları unutmamaq bizim mənəvi borcumuzdur. Biz onları unuda bilmərik və unutmaq da olmaz. Təhsil hər zaman önəmlidir".
Xatırladaq ki, Sülhün Kökləri təşkilatı 20 ildən artıqdır ki, Əfqanıstanda fəaliyyət göstərir və bu müddət ərzində o, təzə meyvə, qoz-fındıq və ədviyyatların dünya bazarlarına ixracını təmin edərək, Əfqanıstanın kənd təsərrüfatı ixracının 2014-cü ildəki 250 milyon dollardan 2020-ci ildə 1,4 milyard dollara yüksəlməsinə töhfə verib. Sülhün Köklərinin mükafat qazanan metodologiyası sülh üçün biznes modelinin qurulmasına əsaslanır: “müharibədə dağılan torpaqlarda kənd icmalarına uyğunlaşdırılmış bazara əsaslanan çıxış yolları təqdim etmək və bütün dünyada sənaye miqyasında inkişaf üçün katalizator kimi xidmət etmək”.
Talibanın 15 avqust 2021-ci ildə Əfqanıstanı ələ keçirməsi ABŞ-da yerləşən Roots of Peace və yüzlərlə təşkilatı çaşqınlıq və qorxuya saldı. Bununla belə, bir il sonra bir qadının rəhbərlik etdiyi bu humanitar təşkilat 2021-ci ildə bol məhsul əldə etməklə, habelə 2022-ci ilin yazında Əfqanıstanda 1,1 milyondan çox meyvə ağacı əkməklə kənd təsərrüfatı sayəsində sülhün bərqərar edilməsi missiyasındakı qorxulu maneələri dəf etməyə müvəffəq ola bildi.
SÜLHUN KÖKLƏRİ HAQQINDA
Son 25 il ərzində Sülhün Kökləri müharibənin qalıqlarını, minaları və partlamamış hərbi sursatları təmizləmək və gələcək nəsillər üçün dinc icmaları bərpa etmək üçün torpaqları bərpa etmək naminə dünyanın müharibədən dağılmış ölkələrində fəaliyyət göstərir.
Dünyada 500 milyondan çox kiçik fermer təsərrüfatları gündə 2 dollardan az pulla dolanır. Ailələrə dolanışıq və sabitlik bəxş edən davamlı, bərpaedici gəlir mənbəyinin yaradılması münaqişədən sonrakı ölkələrdə həll edilməli olan ən aktual məsələlərdən biridir. “Sülhün Kökləri”nin köməyi ilə fermerlər məhsuldarlığın və davamlılığın artması ilə nəticələnən müasir texnologiya və əkinçilik texnikasını tətbiq etməklə, artan gəlirlə bağlı əsas problemləri həll edirlər.
Sülhün Köklərinin “Mina sahəsindən üzümlük sahəsinə” devizi bir milyondan çox fermer və ailəyə kömək olub. Sülhün Kökləri minaları və müharibə qalıqlarını təmizləyərək iğtişaşların girov saxladığı minalanmış torpaqları təmizləyib. Təşkilat, Əfqanıstanda təzə meyvələrin, qoz-fındıqların və ədviyyatların dünya bazarlarına ixracını asanlaşdıraraq, Əfqanıstanın kənd təsərrüfatı ixracının 2014-cü ildəki 250 milyon dollardan 2020-ci ildə 1,4 milyard dollara yüksəlməsinə töhfə verib. Sülhün Kökləri təşkilatının sülh üçün biznes modelinin qurulmasında mükafat qazanan metodologiyasının dərin kökləri var: müharibədən dağılmış torpaqlarda kənd icmalarına uyğunlaşdırılmış bazara əsaslanan çıxış yollarının təmin edilməsi və bütün dünyada sənaye miqyasında inkişaf üçün katalizator kimi xidmət etmək.
ƏFQANISTAN AMERİKA UNİVERSİTETİ HAQQINDA
Əfqanıstan Amerika Universiteti (AUAF) 2006-cı ildə Əfqanıstanın ilk özəl, qeyri-kommersiya, qeyri-məzhəbli ali təhsil müəssisəsi kimi yaradılıb.
50 kişi və bir qız tələbədən ibarət olan universitetin qeydiyyatı bu günə qədər iyirmi dəfəyə qədər artıb, o cümlədən təxminən yarısı qadınlar və 34 əyalətin hamısını və Əfqanıstan həyatının bütün sahələrini təmsil etməyə başlayıb. Universitetin 1,750 məzunu “Fulbrayt” təqaüdünə layiq görülüb və onlar öz nəsilləri arasında aparıcı mövqeyə malikdir.
AUAF Əfqanıstandakı tələbələrə onlayn dərslər vasitəsilə dünya səviyyəli təhsil təklif etməyə davam edir. Bu gənc alimlər və gələcək liderlər biznes, informasiya texnologiyaları, siyasət elmləri və hüquq sahələrində cəsarətlə təhsil alırlar. Bundan əlavə, AUAF təhsildən məhrum edilən qızların oxuması üçün xüsusi körpü proqramı həyata keçirir. Qızlardan ibarət lisey, tələbələr üçün STM təlim düşərgələri ölkədəki bütün qızlara üçün nəzərdə tutulub
Əfqanıstandakı bu tələbələrin hamısı Amerika təhsil tərzinin, söz azadlığının və tənqidi düşüncənin əsas prinsiplərini qəbul edir. Yenə də bu gün onlar Əfqanıstanın 2021-ci ilin avqustunda Talibanın əlinə keçməsindən bəri təhdidedici problemlərlə üzləşirlər.
Bilik almaq heç vaxt bu qədər cəsarətə sahib olmayıb və heç bir tələbə heyəti bu qədər dəstəyə layiq görülməyib.
Əfqanıstan Amerika Universiteti haqqında daha çox məlumatı link vasitəsilə əldə etmək mümkündür.
