“Bakı Kart”ın çalışmayan terminalları, yolda qalan sərnişinlər - Qurum problemlərə susur... - ednews.net

4 Fevral, Şənbə

(+994 50) 229-39-11

“Bakı Kart”ın çalışmayan terminalları, yolda qalan sərnişinlər - Qurum problemlərə susur...

Cəmiyyət A- A A+

Hazırda şəhərin bir çox yerlərində “Bakı Kart” terminalları çalışmır. Bu isə soyuq havalarda işə, dərsə tələsən insanları çətin duruma salıb. Belə ki, ictimai nəqliyyat üçün nəzərdə tutulan ödəniş kartlarına pul yükləyə bilməyən şəhər əhalisi demək olar ki, yollarda qalıb. 

Məsələ ilə bağlı Bakı Kart sisteminin  mətbuat xidmətinin əməkdaşı Orxan Bayamovla əlaqə saxlamağa çalışsaq da, o, telefonlarımızı məşğula alaraq, suallarımıza cavab verməkdən boyun qaçırıb.  

“Bakı Kart sistemi Azərbaycanda  ödəniş  mövzusunda  tətbiq edilən ilk sistemdir. Artıq Bakı Nəqliyyat Agentliyi ödəniş terminallarını ləğv edir”.  

Bu sözləri Ednews-a açıqlamasında Elməddin Muradlı bildirib.

“Alternativ variant kimi milli ön, onlayn sistem vasitələri ilə ödəniş etməyi tələb edirlər. Amma sual yaranır ki, belə  qaydada ödəniş etmək mümkün idisə, bu qədər avadanlığı nəyə görə küçələrə töküblər? Artıq  bu terminallara nadir hallarda  rast gəlmək olur. Texniki xidmət bərbad olduğuna görə yaxın vaxtlarda Bakı kart sistemi çökə bilər”. 

 Onun sözlərinə görə  bu sistemə vaxtında texniki qulluq göstərilmir. 

“ Məndə olan məlumatlara görən Bakı Nəqliyyat Agentliyi ilə  Bakı Kart sistemini quran Türk şirkətləri arasında problemlər var. Vaxtında ödənişlərin olmaması tərəflər arasında müqavilələrin icra olunmaması  narazılığa səbəb olur. Bu yaxınlarda yenilənmə adı ilə ictimai nəqliyyatda kart  sistemini çökdürmüşdülər. Yəni bu bir siqnaldır. Bir gün görəcəyik ki,  bu problem ciddi fəsad kimi özünü göstərdi”. 

O həmçinin bildirib ki müqavilənin şərtlərində nə varsa bunlar icra olunmur.    

 “ İnkişaf etmək əvəzinə geri gedirik. Terminalları küçələrdən yığışdıracaqlarsa bundan yaranacaq fəsadları  qarşılamalıdırlar. Bakı Kart sistemi Türk şirkətləri tərəfindən yaradılıb. BNA onlara müəyyən vaxt qarşılığında ödəniş edib. Sonradan bu  ödənişlərin olmaması, xərclərin çoxalmağı problemlər yaradıb. Bu gün daşıyıcı şirkətlər etiraz edir ki, Bakı Kart  sistemi bizdən kart 5 % tutur”.   

Ekspertin fikrincinə , bunların arxasında hansısa iki məmurun şəxsi maraqları var.   

“Bu pulların xeyli hissəsi onlar tərəfindən mənimsənilir, amma sistemə texniki dəstək üçün maddi dəstək ayırmırlar. Gözləyirlər ki, dövlət  nə vaxtsa pul ayırar. Bu adamlar insanları deyil, öz ciblərini düşünürlər”.

Ayan Rzayeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...