Beyləqanda 2 nəfərin ölümü ilə nəticələnən qəza baş verib.
Ednews xəbər verir ki, hadisə Beyləqan-Daşburun yolunda qeydə alınıb. 50-BT-575 dövlət qeydiyyat nişanlı “Mercedes” markalı minik avtomobili hərəkətdə olan zaman sürücü idarəetməni itirib.
Nəticədə avtomobil yoldan çıxaraq su kanalına aşıb. Qəza zamanı iki nəfər hadisə yerindəcə həyatını itirib.
Bir nəfər isə ağır bədən xəsarətləri alaraq Beyləqan rayon Mərkəzi xəstəxanasına yerləşdirilib.
Faktla bağlı araşdırma aparılır.
