Dünən axşamdan başlayan küləkli hava şəraiti bir çox problemlərə yol açıb. Əsən güclü külək ağaclara ziyan vurub, bəzi yerlərdə elektrik dirəkləri aşıb. Əlverişsiz hava şəraitində təhlükəsizlik qaydalarına əməl etməmək ciddi fəsadlara yol aça bilər.

 

Məsələ ilə bağlı təhlükəsizlik üzrə ekspert Elmar Nurəliyev Ednews-a açıqlamasında bildirib ki, əlverişsiz hava şəraiti ilə bağlı xəbərdarlıq ediləndən sonra bütün iş sahələrində belə havaya qarşı hazırlıq planı işlənib təsdiq edilməlidir: 

 

“İş rejimi hər zamanki kimi fərqli qurulmalıdır. Bu zaman bütün təhlükəli nüanslar nəzərə alınmalıdır. Uçma, aşma təklükəsi olan bütün əşyalar, avadanlıqlar və qurğular, həmçinin tullantılar, kimyəvi maddələr təhlükəsiz yerlərə keçirilməlidir. Açıq havada,hündür binalarda gedən işlər müvəqqəti dayandırılmalıdır. Belə yerlərdə çalışan işçilər işlərini qapalı ərazidə davam etdirməlidirlər. Hündürdə yerləşən avadanlıqları möhkəmlətmək, tikinti gedən ərazilərdə qoruyucu sipərlərdən və torlardan istifadə etmək lazımdır ki, yuxarıdan dəmir və s.inşaat materialları düşüb kimisə zədələməsin”. 

 

Ekspert qeyd edib ki, əlverişsiz hava şəraitində təhlükəsizlik qaydalarına əməl etmək birbaşa müəssisə rəhbərliyinin məsuliyyətidir:

 

“Vətəndaşlar da əlverişsiz havalarda təhlükə ilə üzləşdikdə aidiyyatı qurumlara xəbər etməlidirlər. Vətəndaşların bununla bağlı şikayət etmək və qaydalara əməl etməyən müəssisə rəhbərlərinin cəzalandırılmasını tələb etmək hüququ var. Hesab edirəm ki, insanların bu məsələlərdə həssaslığı təhlükənin qarşısını vaxtında almağa kömək edə bilər”.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary