“Müəllimlərin əməkhaqqının artımı daim hökumətin diqqətindədir və təhsilverənlərimizin orta əməkhhaqının artmasına nail ola bilmişik. Fevralın 1-dən etibarən dövlət ümumtəhsil müəssisələrində çalışan 25 %-dən çox müəllim 1000 manat və daha yuxarı əməkhaqqı alacaq”.
Ednews xəbər verir ki, bunu Elm və Təhsil naziri Emin Əmrullayev keçirdiyi brifinqdə deyib.
Onun sözlərinə görə, dövlət ümumtəhsil və peşə təhsil müəssisələrində çalışan müəllimlərin maaşları fevralın 1-dən etibarən orta hesabla 10 faiz artırılıb:
“Son 10 ildə müəllimlərin orta aylıq maaşı təxminən 3 dəfə artıb. Həmin müddət ərzində maaşları 267 manatdan 790 manata qədər artıb. 2026-ci ilə qədər müəllimlərin maaşının 910 manata çatdırılması nəzərdə tutulur. Sertifikasiyadan keçmiş müəllimlərin əməkhaqqına olunan əlavələr də var ki, faiz nisbəti ilə hesablayanda faktiki yüksək əməkhaqqı hesab olunur”.
