İslam dinində əti haram olan heyvanlar var. Bunlardan bir neçəsi haram olmaqla yanaşı eyni zamanda nəcis, yəni murdar sayılır. Ev inəyinin, qoyununun, dəvəsinin və habelə çöl inəyinin, qoyununun, keçisinin, eşşəyinin, ceyranının ətini yemək halal, atın, qatırın və ulağın ətini yemək məkruh, ümumilikdə yırtıcı heyvanların və həmçinin fil və həşaratların əti haramdır.

Bəs yaxşı satın aldığımız bəzi məhsulların içində donuz ətinin qarışımı var. Belə olan halda o məhsul da haram sayılırmı?

Məsələ ilə bağlı Ednews-a ilə fikirlərini bölüşən ilahiyyatçı Tural İrfan bildirib ki, tərkibində murdar sayılan heyvanın ətindən, piyindən istifadə olunmuş məmulatlardan istifadə doğru deyil. 

“Kosmetik vasitələrin tərkibində bu heyvanların piyindən, yaxud başqa hissələrindən az miqdarda, təmizlənmiş halda istifadə olunarsa bunun bir maneəsi yoxdur”. 

İlahiyyatçı vurğuladı ki, ancaq bəzi kosmetik vasitələr qeyri-müsəlman ölkələrdə hazırlandığı üçün bu məsələlərə diqqət olunmur. Müsəlman qadın üçün əgər tərkibində bu kimi şübhəli maddələr olmayan kosmetika varsa ondan istifadə etməlidir. Qeyd olunan donuz qarışığı vasitələrdən məcbur qaldıqda istifadə edə bilər.

“Əgər məhsulun üzərində donuz piyi əlavəsi yazılmayıbsa şəriətə görə halaldır və təmiz hökmündədir. Əgər yazan yanlış yazıbsa məsuliyyət və günah onun boynundadır, alıb istifadə edənin yox”. 

Aynurə İsmayıl