1 Avqust ölkədə Azərbaycan Əlifbası və Azərbaycan dili günüdür. Bu tarix ümumilli lider Heydər Əliyevin Azərbaycan Əlifbası və Azərbaycan Dili Gününün təsis edilməsi haqqında 2001-ci il 9 Avqustlu tarixi fərmanına əsasən qeyd olunur. Fərman Azərbaycan dilinə, onun inkişafına dövlət qayğısına ən baris nümunələrindən biridir.
Ednews-a danışan Fəlsəfə doktoru, dosent Təranə Şükürlü bildirir ki, dil sadəcə ünsiyyət vasitəsi deyil, eyni zamanda ədəbiyyatdır, millətin taleyidir. Dili öyrətməyin özü sevgi üzərində qurulmalıdır.
“Hər bir şəxs dünya mədəniyyətinə bələdçiliyini dil vasitəsilə əldə edir. Dil insanları bir- birinə bağlayır. Dilimizin nüfuzunu artırmaq üçün düzgün danışmağı və yazmağı bacarmalıyıq. Dilçilik İnstitunda dilimizin saflığının qorunması, ədəbi dilin normalarının pozulması faktlarının alınması qarşısında məqsədyönlü addımlar atılır”.
Son illər dilçilik institunda Azərbaycan dilinin yeni sözlər və mənalar lüğəti, Azərbaycan dilinin orfoqrafiya lüğəti nəşr olunub. Azərbaycan dilinin orfoepiya normaları hazırlanıb. Azərbaycan dilinin orfoepiya lüğəti üzərində işlər gedir.
O, həmçinin vurğulayır ki, Qarabağ dialektoloji atlası çap olunub. Bundan başqa hazırda Qərbi Azərbaycan toponimləri öyrənilir. Oktyabr ayında Qərbi Azərbaycan toponimləri və mikrotoponimləri mövzusunda Respublika konfransı keçirilməyi planlaşdırılır.
“ Son illərdə Azərbaycançılıq məfkurəsinin əsasında duran mühüm amillərdən biri dir. Ulu Öndər Azərbaycan dilinə yalnız ünsiyyət vasitəsi kimi deyil, qədim tarixi zəngin, mədəniyyəti, müsasir dünyada ictimai mədəni mövqeyi olan bir xalqın milli sərvəti kimi yanaşırdı”.
Aynurə İsmayıl