“Azərbaycanda keçirilən İslamafobiya Konfransında dünyanın bir çox ölkələrindən nümayəndələr iştirak edib”.
Bu sözləri Ednews-a müsahibəsində Misirin baş məsləhətçisi İbrahim Nacim deyib. O, konfransın hansı əhəmiyyətə malik olduğunu vurğulayıb.
Azərbaycan keçdiyimiz ildə bu konfransa ev sahibliyi edib. Bu konfransların həyata keçirilməsi dünyada islamafobiya ilə mübarizəyə necə təsir edir?
“Əvvəla bütün Azərbaycana bu önəmli konfransa ev sahibliyi etdiyi üçün təşəkkür edirəm. Artıq ikinci dəfədir ki, mən bu tədbirdə iştirakçıyam. Dünyanın bir çox ölkələrindən: müxtəlif təşkilatlar, dini qurumlar və universitetlərdən bura nümayəndələr səfər ediblər. Müxtəlifliyin qəbul edilməsi və islamafobiya ilə mübarizə aparılması fikirlərinin daha da yayılması üçün bu konfrans böyük əhəmiyyət daşıyır.
Yaxın Şərq və Ukrayna da daxil olmaqla dünyada baş verən hadisələri nəzərə alsaq, islamafobiya fenomeni daha çox gündəmə gəlib. Bu da öz növbəsində Azərbaycan kimi məsuliyyətli və idraklı dövlətlərin belə tədbirləri keçirməsinə təkan verir. İslamafobiyanın aradan qaldırılması üçün hansı addımların atılmalı olduğunu, hansı formların keçiriləcəyi və bu yolda resursların birləşdirilməsi haqqında fikirlər irəli sürülüb”.
Fərid
