“Azərbaycan Qarabağdakı yenidənqurma işləri ilə dünyaya nümunə olacaq”.
Ednews xəbər verir ki, bu sözləri Beynəlxalq Avrasiya Mətbuat Fondunun Prezidenti Umud Mirzəyevin təşəbbüsü ilə Nobel Sülh Mükafatı Laureatı, professor Məhəmməd Yunus BAMF-ın Bakı ofisində baş tutan görüşü zamanı deyib:
“Başa düşdüyüm qədəri ilə müharibə artıq bitib və vətəndaşlar öz köhnə yaşayış məskənlərinə qayıdırlar. Burada iqtisadiyyat Məsələn, Qarabağdakı bütün qadın və uşaqlar heç kəs üçün işləmək məcburiyyətində deyil. Onlar öz işlərini qura bilərlər, Qarabağdakı fürsətlər onlara bu şansı verir. Qarabağı azad etmək və onu yenidən bərpa etmək tamamilə fərqli işlərdir.
Deyə bilərəm ki, azad olunmuş ərazilərə köçüb yaşamaq orada görüləcək işlərin ilk hissəsidir. Lakin, bununla iş tamamlanmayacaq. Regionun bərpası zamanı burada ən son texnologiya və infrastrukturdan istifadə etmək olar. Müharibədən sonra bu ərazilərdə aparılacaq bərpa işləri bütün dünyaya nümunə olacaq”.
Qeyd edək ki, Nizami Gəncəvi Beynəlxalq Mərkəzinin dəvəti ilə 11-ci Qlobal Bakı Forumunda iştirak etmək üçün ölkəmizə səfər edən Nobel Sülh mükafatı laureatı, professor Məhəmməd Yunus ilk dəfə olaraq 2016-cı ildə BAMF-ın dəvəti ilə ölkəmizdə olub.
Fərid
