"Hazırda Yunus Sosial Biznes Mərkəzi inkişaf etməkdədir və dünya üzrə 170-ə yaxın biznes səfirimiz var".
Ednews xəbər verir ki, bu sözləri Beynəlxalq Avrasiya Mətbuat Fondunun Prezidenti Umud Mirzəyevin təşəbbüsü ilə Nobel Sülh Mükafatı Laureatı, professor Məhəmməd Yunus BAMF-ın Bakı ofisində baş tutan görüşü zamanı deyib.
Daha sonra o bildirib ki, Sosial Biznes Mərkəzlərinə gənclərin marağı daha çoxdur:
"Bizim gələn ay Taylandın paytaxtı Bankokda 2 günlük tədbirimiz olacaq. Burada akademik və professorlar yığışacaq. Onlar tədbir zamanı öz təklif və fikilərini irəli sürəcəklər. Eyni zamanda sosial biznes mərkəzlərini inkişaf etdirmək üçün kurslar keçirəcəklər. Bununla bağlı biz Afrikaya da müraciət etmişik. Ora ayıracağımız maliyyə büdcənin aşağı olmasına baxmayaraq, onlar bu lahiyəyə müsbət yanaşdılar. Bizim indiyə qədər Afrikada iki konfransımız olub. Konfrans zamanı biz sosial biznesin inkişaf etdirilməsi ilə bağlı müzakirələr etmişik. Afrikada sosial biznesin inkişaıfna əsasən gənclər daha çox maraq göstərir. Bu da çox önəmlidir ki, həmən gənclər gələcəkdə dünyanı dəyişdirə biləcəklər. Ona görədə gənclərin tədbirlərə qoşulması vacib məsələdir. Bizim latın ölkələrində də amazon meşələrin qorunması və yenidən bərpası ilə bağlıdı xeyli işlərimiz olub. Eyni zamanda Braziliya prezidenti Laura və Sosial Ekologiya naziri ilə görüşlərimiz olub. Həmçinin amazonun Kolumbiya hissəsi ilə də sıx əməkdaşlıq etmişik".
Əkbər Novruz